Олон улсын жүдо бөхийн холбооноос Монголын иран жүдоч Саид Моллаид Азербайжаны нэрийн өмнөөс барилдах зөвшөөрлийг албан ёсоор олголоо.
Энэ сарын 2-нд гарсан шинэ чансаанд түүнийг Азербайжаны бөх гэж оруулсан байна. Ийнхүү Саид тавдугаар сарын 2-ноос эхлэн Азербайжан улсыг төлөөлөх эрхтэй болж байгаа юм.
Моллаи Иранд төрсөн ч азербайжан гаралтай. 2019 оноос иргэншлээ сольж, Монголын шигшээ багт барилдсан.
Азербайжаны жүдо бөхийн холбооны Ерөнхий нарийн бичгийн дарга Рашад Расуллу “81 кг-ын жин манай жүдогийн хамгийн асуудалтай жин байлаа. Авьяаслаг бөх олон байгаа ч Эльнур Мамедлигаас хойш хэн ч олимпын медаль авч чадаагүй. Энэ жингийн дэлхийн шилдгүүдийн нэг Саид Моллаи энэ асуудлыг шийдэж өгөх болно. Залуу бөхчүүдэд ч үлгэр дуурайлтай” гэж мэдэгдлээ.
Харин Саид Моллай “Монголын жүдо бөхийн холбоотой байгуулсан гэрээний хугацаа дуусаад би Азербайжаны холбоонд хандаж, хүсэлт гаргасан. Төрөлх орныхоо төлөө барилдаж чадах болсондоо баяртай байна. Удахгүй Европын АШТ, дэлхийн аваргын тэмцээн болно. Гол зорилго 2024 оны Парисын олимп. Өндөр амжилт гаргахын төлөө хичээнэ” гэж сэтгүүлчдэд ярьсан байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.