03 сарын 02, Бямба

МҮБХ: Э.Оюунболдын барилдах эрхийг хэдэн жилээр хасахыг тэргүүлэгчдийн хурлаар шийднэ

Бусад
9 сарын өмнө
МҮБХ: Э.Оюунболдын барилдах эрхийг хэдэн жилээр хасахыг тэргүүлэгчдийн хурлаар шийднэ

Үзэсгэлэн болгогч усан туулай жилийн Цагаан сарын барилдааны шөвгийн 16 бөхөөс сэргээшийн шинжилгээ авсан. Шинжилгээний хариу нь өнгөрсөн дөрөвдүгээр сарын 5-нд иржээ. Улмаар допинг хэрэглэсэн бөхөд Б сорьцоо өгөх эсэх талаар мэдэгдэх хуудас хүргүүлэх гэсэн боловч холбогдоогүй байна. Тиймээс хариуг нь энэ сарын 7-нд хүргүүлжээ.

Допингийн эсрэг үндэсний дүрмийн дагуу Б сорьцыг шинжлүүлэх эсэх тухай хүсэлтээ 14 хоногт багтаан гаргах ёстой бөгөөд журмын дагуу хүсэлтээ гаргаагүй учир өнөөдөр допинг хэрэглэсэн бөхийн нэрийг зарлалаа. Улсын арслан Э.Оюунболдын шинжилгээнээс оксандролин, метандиенон гэсэн анаболик стериод төрлийн бодис илэрчээ. Энэ нь түүнээс допинг илэрч буй анхны тохиолдол биш юм. Өмнө нь допинг илэрч аварга цолоо хураалгаж, барилдах эрхээ найман жилээр хасуулсан байдаг. Гэвч тэрээр уг шийдвэртэй холбоотойгоор 2021 оны арванхоёрдугаар сарын 30-ны өдөр спортын арбитрын шүүхэд нэхэмжлэл гаргасан юм. 

Арбитр шүүх 2022 оны дөрөвдүгээр сарын 28-нд Э.Оюунболдын барилдах эрхийг найман жилээр хассан гэх хэсгийг хүчингүй болгож, барилдах эрхийг нь сэргээх шийдвэр гаргасан юм. Улмаар 2022 оны зургаадугаар сарын 23-нд Шүүхийн шийдвэр гарч Э.Оюунболдын барилдах эрхийг сэргээсэн. 

Гэсэн ч дахин сэргээш хэрэглэсэн учир түүхий барилдах эрхийг бүх насаар нь хязгаарлана гэх мэдээлэл нийгмийн сүлжээнд цацагдаад буй. Энэ талаар Монголын үндэсний бөхийн холбооноос тодруулахад "Допинг илэрсэн бөхийн нэрийг өчигдөр зарласан. Барилдах эрхийг нь насаар нь эсвэл тодорхой хугацаанд хасах эсэхийг шууд дүгнэх боломжгүй. Тэргүүлэгчдийн хуралдаанаар хэлэлцээд, шийдвэрлэнэ. Засгийн газраас баталдсан "Допингийн эсрэг дүрэм зөрчсөн бөхөд хариуцлага тооцох журам" гэж бий. Тус журмын хүрээнд шийдвэрлэнэ. Журамд бүх насаар нь барилдах эрхийг нь хасна гэх заалт байгаа гэж хэлж чадахгүй байна" гэсэн хариулт өглөө.  

"Допингийн эсрэг дүрэм зөрчсөн бөхөд хариуцлага тооцох журам"-ыг 2018 онд шинэчилсэн байдаг. Нэмэлт өөрчлөлтөөр,

  • Допинг хэрэглэсэн нь тогтоогдоод шийтгэл оноосон байхад барилдсан тохиолдолд уг бөхийн шийтгэлийг хугацааг хамгийн сүүлд барилдсан хугацаанаас эхлэн дахин тооцно.
  • Допинг хэрэглэсэн нь тогтоогдсон бөхийг барилдуулсан аймаг, сумын наадмыг хүчингүйд тооцож, тухайн наадамд цол авсан бөхчүүдийг эрэмбэнд оруулахгүй.
  • Шинжилгээ өгөхөөс татгалзсан тохиолдолд Дэлхийн допингийн эсрэг дүрмийн дагуу допинг хэрэглэсэнд тооцож, улс, аймаг, сумын наадам болон бусад аль ч хэлбэрийн барилдаанд барилдах эрхийг мөн 2 жилээр хасна зэргийг тусгасан байна. 

Харин удаа дараа допинг хэрэглэсэн, тэгсэн хэр нь барирдаанд оролцсон бөхөд ямар шийтгэл оногдуулах тухай нарийвчлан тусгаагүй байна. Түүнчлэн Э.Оюунболдын 2021 оны допингийн шинжилгээний хариуг шүүх хүчингүй гэж үзсэн тул тус шийтгэлийг хүчин төгөлдөр бус гэж тооцно. Тиймээс түүнийг допинг хэрэглэсэн хэр нь барилдаанд оролцсон гэж үзэх үндэслэлгүй юм. 

0
0
0
0
0
0
0

Сэтгэгдэл0

АНХААР!

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.

Санал асуулга

Та "Гадаадын хөрөнгө оруулалтын тухай хуулийг" дэмжиж байна уу?

Нийт санал:219

Видео

УИХ-ын дарга Г.Занданшатар Г.Дамдинням гишүүний талаар залруулга хийв

УИХ-ын дарга Г.Занданшатар Г.Дамдинням гишүүний талаар залруулга хийв

Хөрөнгө оруулалтын тухай хуулийн шинэчилсэн найруулгын төслийг хэлэлцэж байна

Хөрөнгө оруулалтын тухай хуулийн шинэчилсэн найруулгын төслийг хэлэлцэж байна

Я.Содбаатар: Ерөнхийлөгчийг хятадаар ярьсан гэх бичлэгийг зохион байгуулалттайгаар хийж, түгээсэн хүмүүсийг олж тогтоосон

Я.Содбаатар: Ерөнхийлөгчийг хятадаар ярьсан гэх бичлэгийг зохион байгуулалттайгаар хийж, түгээсэн хүмүүсийг олж тогтоосон

БИЧЛЭГ: Согтуугаар тээврийн хэрэгсэл жолоодож яваад хүн мөргөж, зугтсан этгээдийг илрүүлэв

БИЧЛЭГ: Согтуугаар тээврийн хэрэгсэл жолоодож яваад хүн мөргөж, зугтсан этгээдийг илрүүлэв

УИХ: Үндсэн хуулийн нэмэлт өөрчлөлтийн хоёр дахь хэлэлцүүлгийг хийж байна

УИХ: Үндсэн хуулийн нэмэлт өөрчлөлтийн хоёр дахь хэлэлцүүлгийг хийж байна

Зайсан тойруугийн зам нэг чигийн хөдөлгөөнтэй болно

Зайсан тойруугийн зам нэг чигийн хөдөлгөөнтэй болно

"Утсаараа яриулаач" хэмээн тусламж хүсэж, тусгай программ суулган 350 сая төгрөг залилжээ

"Утсаараа яриулаач" хэмээн тусламж хүсэж, тусгай программ суулган 350 сая төгрөг залилжээ

Б.Жавхлан: Гаалийн дарга асан Б.Асралт анх "Нүүрсний хулгай" илрүүлсэн

Б.Жавхлан: Гаалийн дарга асан Б.Асралт анх "Нүүрсний хулгай" илрүүлсэн

Агаарын шоуны үеэр хоёр онгоц мөргөлджээ

Агаарын шоуны үеэр хоёр онгоц мөргөлджээ

Товчооны төлбөрийн цэгийг цахимжуулж, 3 секундед нэвтэрдэг болгожээ

Товчооны төлбөрийн цэгийг цахимжуулж, 3 секундед нэвтэрдэг болгожээ