Олон улсын жүдо бөхийн холбооноос зохион байгуулдаг “Их дуулга” ангиллын тэмцээний ээлжит цуврал өнөөдөр Узбекистаны Ташкент хотноо эхэлж байна.
Тус барилдаанд 68 орны 495 жүдоч барилдахаар мэдүүлэг өгсөн. Манай улсаас эрэгтэй тав, эмэгтэй есөн тамирчин дасгалжуулагч Р.Нямлхагва, Ч.Болдбаатар, М.Бундмаа нарын удирдлага дор оролцоно.
Өнөөдөр эрэгтэйчүүдийн 60, 66, эмэгтэйчүүдийн 48, 52, 57 кг-ын жингийн барилдаантай. 14 жүдочоос өнөөдөр тав нь татамид гарах юм. Тодруулбал, 60 кг-д Э.Сумъяабазар эхний тойрогт Хаяато Кондотой, Э.Ариунболд Тайванийн Чон Юү Линтэй, 48 кг-д Г.Наранцэцэг Чилийн Варгас Лийтэй, Б.Баасанхүү Хятадын эвгүй бөх Зонгуйн Гуотой, 52 кг-д Л.Сосорбарам Германы Маша Баллхаустай тус тус барилдахаар оноолт таарав.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.