Монгол-Буриад мэдээллийн төв болон Буриад улсын "Сахилган” хөдөлгөөнөөс буриад залуустаа хандан Монгол Улсад цусаа хандивлах уриалга гаргажээ.
Ийнхүү Улан-Үд болон Эрхүү хотоос ирсэн 20 гаруй хүн нэгдэн, "Сүхбаатар" цус цуглуулах төвд өнөөдөр ирж, цусаа хандивласан юм.
Залуучуудын зүгээс Монгол Улс биднийг хүнд хэцүү цаг үед хүлээж авсан тул цусаа бэлэглэж, эелдэг найрсаг, зочломтгой найрсаг ахан дүүстээ талархал илэрхийлэхийг хүссэн гэдгийг хэллээ.
Цус сэлбэлт судлалын үндэсний төвийн маркетинг, Нийгмийн эрүүл мэндийн ажилтан Д.Дулмаа "Өнөөдөр манай цусны төвд монгол буриад залуучуудын "Сахилган" хөдөлгөөний 20 гаруй хүн ирж, цусаа бэлэглэлээ.Зорилго нь хүнд хэцүү цаг үед монголчууд бидэнд маш их тусламж, дэмжлэг үзүүлж байсан. Харин бид энхийн цагт монголчууддаа цусаа бэлэглэж, буян болох нь зүйтэй гэж үзээд цусаа бэлэглэж байгаагаа хэлсэн.
Уг төв нь Монгол Улсад үйл ажиллагаагаа явуулж эхэлж байгаа юм билээ. Ингэхдээ Монголд ирсэн ОХУ-ын иргэдэд мэдээлэл өгөх, дэмжих, зуучлах зорилготой олон нийтийн байгууллага гэсэн. Залуус цаашид ч цусаа бэлэглэх аянаа үргэлжлүүлэхээ илэрхийлсэн.
Мөн өнөөдөр Монголын алхалтын холбооны залуучууд "Баянзүрх" цус цуглуулах төвд ирж, цусаа бэлэглэсэн. Монгол орны аюулгүй цус, цусан бүтээгдэхүүний хэрэгцээ нөөцийг нэмэгдүүлэх, байнгын донорын тоог нэмэгдүүлэх үйлсэд төрийн болон төрийн бус байгууллагууд, эв санаагаараа нэгдсэн залуучуудын клубүүд, их, дээд сургуулиуд гэх мэт олон газар нэгддэг" хэмээв.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.