Сэтгэл өлсдөг бас цангадаг
Хөл хорионы дэглэмтэй энэ үед хүмүүс гэртээ цагийг янз бүрээр өөрийгөө хөгжүүлэхэд буюу нэг ёсондоо өөртөө, гэр бүлдээ хангалттай цаг зарцуулах боломжтой болоод байгаа билээ. Амттай чанартай хоол хүнс идэж уух байдлаар бие махбодио тэтгэж байна, шинэ зүйл суралцах, унших байдлаар оюун санаагаа тэтгэж байна, мөн гэр бүл үр хүүхэд ойр дотныхонтойгоо хамт хөгжилдөн тоглох гэх мэтээр харилцаагаа тэтгэж байгаа. Хүн гэдэг амьтан бие махбод, оюун санаа, харилцаа болон сэтгэлээр өлсөж, цангадаг амьтан. Тэгвэл сэтгэлээрээ өлсөж цангасан гэдгээ бид хэрхэн мэдэх боломжтой вэ?
Бидний ходоод хоосон оргиж өлссөнөөр бид хоол тэжээлийг биедээ өдөр тутам авах хэрэгтэйгээ мэддэг шиг бидний сэтгэл бас хоосон оргиж өлсдөг. Утга учиргүй хоосон мэт мэдрэмж, өөрийгөө зэмлэж буруутгасан мэдрэмж, бусдыг буруутгаж зэмлэсэн мэдрэмж, тодорхой нэг зүйлээс айх айдас, ганцаардсан, орхигдсон мэдрэмж, шалтгаангүй эсвэл огцом уур бухимдал, бүх зүйл болохгүй бүтэхгүй сөрөг санагдах, бүх хүн өөрийнх нь эсрэг байгаа мэт мэдрэмж гэх мэт эдгээр нь хүний сэтгэлд хоол тэжээл хэрэгтэй гэсэн томоос том дохионууд байдаг.
Бие махбодийн өлсгөлөнг бид дэлгүүрээс хүнс аваад хоол цай хийгээд идэх эсвэл дуртай хоолны газраа ороод шийдчихдэг.Харин олон хүмүүс сэтгэлийн өлөн хоосон байдалтай удаан хугацаанд явж, түүнийгээ хойш тавьж явсаар нэг л мэдэхэд гарцгүй байдалд эсвэл эцэс төгсгөлгүй гуниг цөхрөлийн эргүүлэг тойрогт орсон байдаг.
Сэтгэлийн өлсгөлөн болон цангааг бид юугаар, хэрхэн тайлах вэ?
Focus on the Family Mongolia Сэтгэл Зүйч Д.Энхжин
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.