Бидний амьдралд амьд харилцаа дутагдаж байгаа энэ цагт шагайн наадаан их чухал юм.
Шагай наадаан нь сурган хүмүүжүүлэх асар их ач холбогдолтой бөгөөд хүүхэд багачуудад хөдөлмөрийн хүмүүжил олгож, дадал суулгаж, танин мэдэхүйг хөгжүүлж, хүрээлэн буй орчин ахуй, байгалийн юмс үзэгдлийн тухай мэдлэг, ойлголт өгч байдаг давуу талтай. Тоглох явцад хүүхдүүд бусдыгаа зохион байгуулах, урнаар сэтгэх чадвар олж авах, өөрийгөө танин мэдэх, махруу, шаргуу, тэвчээр хүлээцтэй чанарт суралцдаг.
Мөн шагайн тэгш бус хэлбэр нь гарын алган дах мэдрэлийн цэгийг идэвхижүүлж нэг ёсны дасгал болдог. Урд зүгийхэн алгандаа хушга эргэлдүүлж суудаг нь урт наслалтын нэг нууц гээд л байдаг шүү дээ.
Шагай өөрөө халуун чанарын амьд биет. Тиймээс аагим зунд шагайгаар нааддагүй. Идэр өвлийн хүйтэнг даван туулхад амь халуун өгдөг учраас монголчууд эртнээс эрүүл ахуй засал болгож энэхүү наадааныг айлаараа талцаж тоглодог олон хэлбэр байдаг нь тус тусдаа учир агуулгатай. Шагайтай холбоотой дээдлэх цээрлэх ёс ч байдаг.
Хайртай бол хамгаалах энэ цагт халуун бүлээрээ шагайгаар наадаж яагаад болохгүй гэж. Бага насны хүүхэд харин залгих аюултай тул анхаараарай.
Эх сурвалж: Цахил багш
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.