04 сарын 22, Даваа

Г.Содбаяр: Би найз охин биш, хамтран амьдрагч биш эмэгтэйгээ огт зодоогүйнхээ төлөө ГҮТГҮҮЛЖ байна

Шар мэдээ
3 жилийн өмнө
Г.Содбаяр: Би найз охин биш, хамтран амьдрагч биш эмэгтэйгээ огт зодоогүйнхээ төлөө ГҮТГҮҮЛЖ байна

Олон нийтийн сүлжээ болон хэвлэл мэдээллийн зарим хэрэгслээр “МТ группийн захирлын хүү Г.Содбаяр найз охиноо гэртээ авчирч нурууг нь хугартал зодож гэмтээсэн”, үүний улмаас нугараач Ю.Кундыз бүсгүй эрүүл мэндийн хувьд хохирч, ойрын тэмцээнүүдэд оролцож чадахгүй, цаашилбал дахин хэзээ ч нугарч чадахгүйд хүрлээ” гэсэн мэдээлэл сүүлийн хоёр хоногт цацагдав.

Олон нийтийн зүгээс жигшин зэвүүцэж Г.Содбаяр, түүний гэр бүлийнхнийг ёстой л “дэвсэлж” гарлаа. Хэсэг зуур анзаарсан боловч хохирогч бүсгүйн зүгээс ямар нэгэн эмнэлгийн баримт, хууль зүйн нотолгоо дэлгэсэнгүй. Ерөөсөө л Д.Содбаяртай танилууд юм байна, 28 настай Ю.Кундыз  гэдэг юм байна, “Мөнгөн гүүр” эмнэлэгт үзүүлж оношлуулсан гэхээс өөр баримт олдсонгүй. Ингээд түүнийг зодсон хэрэгт “зодуулж” буй иргэн Г.Содбаяраас энэ талаар тодрууллаа.

-Сайн уу, Содбаяр аа. Олон нийтийн сүлжээнд таны талаар ямар мэдээлэл явж байгааг харсан байх. Тэр өдөр яг юу болсныг тайлбарлаж өгөх боломжтой юу. Яагаад залуу бүсгүйг гэмтээчихэв ээ?

-Та хэр мэдээлэл аваад холбогдож байгааг мэдэхгүй. Би танд болсон явдлыг л хэлье. Хуулийн аль ч шатны байгууллагад ярьсан миний энэ яриа үнэн байх болно. Тэр өдөр буюу 2020 оны арванхоёрдугаар сарын 23-ны лхагва гаригийн өглөө 10.00 цагийн орчимд Ю.Кундыз манайд ирж хамтдаа хоол хийж, өдрийг сайхан өнгөрөөе гэсэн. Ингээд манайд ирэхэд нь би нэг найзтайгаа хамт байсан. Гэнэт Кундыз “Энэ юун бэлгэвч вэ, чи өөр хүнтэй унтаад байгаа юм уу. Танай гэр сексдэж завхайрдаг газар болчихсон юм уу, Содоо” гээд хашхираад эхэлсэн. Би гайхсан. Бид гэр бүл биш, бүр найз бүсгүй, найз залуугийн ч харилцаатай биш байтал хаанаас ч юм бэ хэрэглэсэн бэлгэвчний тухай яриад гэр орныг минь доромжлоод эхлэхээр гайхна шүү дээ.

Гэтэл үнэндээ тэндээс би хэрэглэсэн байтугай хэрэглээгүй бэлгэвч ч олж хараагүй, манайд байх ч учиргүй байтал бэлгэвчний хайрцаг л үзүүлээд хашхираад байсан. Тэгээд “Энэ минийх биш. Манайхаас ийм юм гарах ёсгүй. Тэгээд ч чи яагаад миний найзын дэргэд манай гэрийг доромжилж байгаа юм бэ” гэсэн. Гэвч тэр улам л дэвээд орилж зууралдсан, тэгээд би түлхсэн. Түлхсэний дараа бага зэрэг доголж байсан ч яваандаа зүгээр болчихсон. Надад түүнийг зодож гэмтээх, цохиод авах төлөвлөгөө ч, тийм сэтгэл ч байгаагүй. Алгадах, цохих, чимхэх ямар нэг үйлдэл огт үзүүлээгүй. Зөвхөн хуруугаараа түлхсэнийг найз минь гэрчилнэ. Ингээд Кундыз хаалгыг жийж тийрч гарсан. Гарахдаа “Би чамайг хариугаа авна. Сошиалаар яаж хариугаа авахыг хараарай” гэж хашгирсаар манай гэрээс гарч явсан. Би ч юу болоод өнгөрчихөв дөө гээд санаа зовоод өнгөрсөн. Тэгээд Кундыз гэртээ очсон хойноо “надаас доошоо шингэн юм гараад байна” гээд утсаар ярьсан.

Би шууд гэрт нь яваад оччихвол хэрүүл маргаан л болно гэж бодоод таньдаг жолооч ахыг явуулсан. Жолооч ах Кундызыг гэрээс нь аваад “Мөнгөн гүүр” эмнэлэгт дагуулж явж үзүүлээд томографийн зураг авахуулсан.  Тэр нь эмчийн дүгнэлттэйгээ хамт гардаг. Энэ дүгнэлтэд хугаралт байхгүй, цууралт байхгүй гэсэн байсан. Кундыз болохоор “Маргааш эмч дээр очихоор татна гэсэн гэж яриад байсан. Би эмч биш болохоор яс хугарсан, цуурсан байвал татмааргүй юм даа. Юу ч гэсэн манайд хоночих гээд хоол хийж өгч, ариун цэврийн өрөөнд хүртэл хэрэндээ л асарч халамжилсан. Маргааш нь буюу 2020 оны арванхоёрдугаар сарын 24-ны пүрэв гаригт хамтдаа эмнэлэгт очсон. Тэгээд манайд очсон.

-Тэр үед Кундызын биеийн байдал ямар харагдаж байв? Алхаж явж чадаж байсан уу?

-Кундыз өөрөө ч надтай хамтдаа эрхлэлдээд, хамт кино үзээд, би хоол хийж өгч асраад хэн хэн маань баяртай байсан. Кундыз “Манай найз ирж байгаа, би гэрийн түлхүүрээ өгөөд хувцсаа авчруулмаар байна” гэсэн. Гэтэл гарч яваад төд удалгүй утсаар над руу ярьсан. Би өөр рүү чинь харж байгаад хэлмээргүй байсан юм. Тэгээд утсаар хэлж байна. Би наад зах нь асрагч авч таарна. Миний гоо сайхан, цаашдын төлөвлөгөөнд саад учруулсан учраас би чамаас 50 сая төгрөг нэхэмжилнэ гэж хэлсэн. Энэ 50 сая төгрөгийг өгчихвөл би чамайг цагдаад өгөхгүй, сошиалд ч бичихгүй гэж ярьсан. Тэгээд л хэлснээрээ энэ бүх зохиомол зүйлийг цацаж мэдээлж байгаа нь энэ.

-Та мөнгө нэхэж утсаар ярихад нь ямар хариу өгсөн бэ?

-Би эхлээд сайн эмчлүүл. Ямар онош гарах нь вэ, хаана, хэрхэн эмчлүүлэх нь вэ, хэр зардал гарах нь вэ, харцгаая. Хэрэв мэс засалд орохоор бол эмчилгээний зардлын тухай ярьцгаая гэсэн.

-Ядаж эмчилгээний зардал өгье гэж хэлж болохгүй байсан юм уу?

- Эхний ээлжинд би удаа дараа боломжоороо нийт хоёр сая төгрөг шинжилгээний зардал, ойр зуур хэрэглэхэд нь өгчихсөн байсан. Хэрэв эмчилгээ хийх шаардлагатай бол тэгээд эмчлүүлэх л тухай бодно шүү дээ. Гэтэл “Баасан гариг хүртэл хүлээнэ. Тэр хооронд өгөхгүй бол цагдаад ч өгнө, сошиалаар ч яахыг хараарай, намайг яахыг мэдэж байгаа биз дээ” гэж сүрдүүлсэн. Муудалцсан өдрөө манайхаас гарахад ч тэгж л хэлээд байсан. Би арай ч үгүй байлгүй дээ гэж бодсон ч сошиалаар яваад эхэлсэн.

Гэсэн ч бямба гаригийн өглөөнөөс эхлээд олон нийтийн сүлжээнд ч, зарим хэвлэл мэдээллээр ч энэ талаар бичиж эхэллээ. Намайг аймшигтайгаар зодож нүдсэн, нуруу хугалсан гэж бичсэнийг хараад цочлоо. Түүнийг дагуулаад эмчлүүлж асраад явж байхыг харсан гэрч цөөнгүй бий. Ердөө маргаашаас нь алхаа нь илүү хурдан болоод, сайжирч байсан. Үүнд ч би их баяртай байсан болохоор би сошиалаар гарч байгаа мэдээллүүдийг хараад “шок”-нд орсон л доо.

-Таныг ч гэсэн ойлгохыг хичээж байна. Гэхдээ Кундыз ямар нэг эмнэлгийн дүгнэлт үзүүлсэнгүй. Тиймээс ойлгомжгүй, бүрхэг зүйл цөөнгүй байгааг ойлгоорой. “Нуруу хугартал зодсон, нугарч чадахгүй боллоо, одоо цаашид би яанаа” гээд байгаа нь л түүнийг уншсан хүмүүсийг эмзэглүүлээд байна шүү дээ?

-Та надаас тодруулж байгаа болохоор намайг гүйцэд сонсвол сайн байна. Би тодорхой хэмжээнд Кундызыг мэднэ. Тоглолт, тэмцээнд оролцоход нь ч зардлаар тусалдаг. Тийм учраас ирэх дөрөвдүгээр сард тэмцээнд оролцох тухайгаа ярьж надаас санхүүгийн дэмжлэг хүссэн. Би ч тусална гэж бодчихсон, хамтдаа хүлээж догдолж, хөл хорио хурдан дуусаасай гээд ярилцаж байсан. Бас түүнийг мөнгөнд хэрхэн ханддагийг ч мэднэ. Тиймээс би ямар ч тохиолдолд хуулийн дагуу явах нь зөв гэж үзсэн. “

Мөнгөн гүүр” эмнэлэг “хугарсан, цуурсан зүйл байхгүй учраас мэс засал хийхгүй” гэсэн учраас өөр эмнэлэг рүү очиж хэвтсэн юм билээ. Аль эмнэлэгт одоо байгааг нь би мэдэхгүй байна.

-Ар гэрийнхэн нь тантай холбогдсон уу?

-Аав нь байхгүй. Ээж нь түүний амьдралд оролцдоггүй. Найз охид нь л илүү ойр байдаг.

-Та хоёр найзлаад хэр удаж байгаа вэ? Яг ямар харилцаатайгаа нуулгүй хэлж болох уу?

-Бид танилцаад нэг жил гаруйн хугацаа өнгөрч байна. Би магистрт суралцаж байгаа болохоор гадаадаас, ер нь голдуу зайнаас харилцдаг байсан. Өвлийн амралтаар ирэхдээ л хааяа уулздаг байсан. Харин өнгөрсөн зургадугаар сараас хойш ойр ойрхон уулзах болсон. Хэзээ ч миний найз охин байгаагүй. Хэзээ ч хамтран амьдрагч байгаагүй. Тэр манайд, би тэднийд хааяа очно. Найзуудын хөнгөн харилцаатай л байсан.

Гэтэл манай гэрт, миний найзын дэргэд бэлгэвч, дамск зэрэг зохимол зүйл ярьж орон гэрийг доромжилж хаалга өшиглөж гараад, харьсан хойноо довтолгоо зохиож, эмчийн дүгнэлтээс зөрж хуулийн өмнө батлах боломжгүйгээр цуурхал тараан гүтгэж байна. Түүний бие илааршиж сайжрах тусам баярлах ёстой байтал зөвхөн 50 сая төгрөгийн төлөө занаж байгаад сошиалаар тарааж байгаад нь харамсаж байна. Миний хувьд мөнгөний хэмжээ нь гэхээсээ хууль ёсны дагуу, бодит нөхцөл байдалд тулгуурласан зардлаа нэхэхийг хүссэндээ “Эмчилгээнийхээ нэхэмжлэлийг явуулаад аваарай, би өгнө” гэсэн юм.

Миний хувьд Кундызтай зөвөөр ойлголцоод асарч сувилаад явж байсан болохоор найз охид нь олон нийтийн жигшил зэвүүцлийг төрүүлж санхүүгийн аргаар эвлэрэх болзол тавих нь зүйтэй гэж үзсэн учраас ийм байдалд хүрсэн байх гэж бодож байна. Нэгэнт Кундыз маань эмнэлгийн дүгнэлт нь сайн гарсан нотолгоо байна, зүгээр алхаж гишгэж явааг нь харсан амьд гэрчүүд байгаа болохоор нэр хүндэд минь ингэж халдах нь хууль бус шүү гэдгийг олон нийт бас анхаарах биз ээ. Миний яриаг олон нийтэд хүргэсэн танд бас баярлалаа.

11

 
0
0
0
0
0
0
0

Сэтгэгдэл10

АНХААР!

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.

t
[172.69.252.139]
3 жилийн өмнө
aultai ohin baina
Хариулах
Зочин
[172.69.252.135]
3 жилийн өмнө
Хүү худлаа ярьж сурсан уу айн
Хариулах
Zochin
[162.158.179.117]
3 жилийн өмнө
Bolij uz
З
[172.69.252.139]
3 жилийн өмнө
Зодоогүй хуруугаараа л түлхсэн найз гэрчилнэ гэх юм хуруугаараа чичсэн юм бол эмнэлэгээр дагуулж яваад гэртээ асраад нойл ороход нь дагаж ороод цаашдын эмчилгээний талаар ярья гэсэн гэх шиг буруутай гэдгээ батлаад байгаан бишүү
Хариулах
Хатан
[172.69.252.143]
3 жилийн өмнө
Кундыз бол ойлгомжтой юм байна. Энэ залуу ч гэсэн ялгаагүй их тэнэг хүн байна
Хариулах
Хэн
[172.69.252.145]
3 жилийн өмнө
Ичээч новшо
Хариулах
Naraa
[162.158.94.175]
3 жилийн өмнө
Uulzaj uchirdag hun n baij, buruu naidwar toruulsen baij, yamar ch baisan zodson baij, Tuunees daguulj emnelgees yawahuu? Amia bodson archaagui zaluu bn. Ene ohiniig oilgoj bn. Ungu mungu l bolj
Хариулах
Хх
[162.158.7.200]
3 жилийн өмнө
Одоо ч хүний мөс чанар улам л хог болж байна даа. Найз нөхөр гээд дэргэд чинь наалдаад явсан хүн араас чинь хугтгалаад явах нь
Хариулах
Sansar
[172.69.252.135]
3 жилийн өмнө
2 uulaal buruutai bn gexdee ali alin ni shuuxeer shiidchixvel sain l bn
Хариулах
Зочин
[162.158.7.101]
3 жилийн өмнө
Энэ залуу хуруугаараа л түлхсэн гэдэгтээ итгэх гээд байна байна хэлээд байгаан биш үү. Тэгээд ч эрхлэлдээд асарч сувилаад гэчээд ямар ч холбоогүй ч гэх шиг. Хэн мэдэх үү дээ эмэгтэй хүнд буруу өгөгсөд их болжээ.
Хариулах

Санал асуулга

Та "Гадаадын хөрөнгө оруулалтын тухай хуулийг" дэмжиж байна уу?

Нийт санал:243

Видео

Үндэсний баялгийн сангийн тухай хуулийн төслийг нэн яаралтай горимоор хэлэлцэж байна

Үндэсний баялгийн сангийн тухай хуулийн төслийг нэн яаралтай горимоор хэлэлцэж байна

Г.Дамдинням: Ирэх намар будаа, ургацыг нь хэдэн төгрөгөөр авахаа ЗГ-аас тариаланчдад яаралтай зарлах хэрэгтэй

Г.Дамдинням: Ирэх намар будаа, ургацыг нь хэдэн төгрөгөөр авахаа ЗГ-аас тариаланчдад яаралтай зарлах хэрэгтэй

Г.Дамдинням: Иргэд биднийг шуудай гурил, хивэг үүрээд 5, 10 кг будаа, гурил тараагаад яв гэж сонгоогүй

Г.Дамдинням: Иргэд биднийг шуудай гурил, хивэг үүрээд 5, 10 кг будаа, гурил тараагаад яв гэж сонгоогүй

УИХ-ын дарга Г.Занданшатар Г.Дамдинням гишүүний талаар залруулга хийв

УИХ-ын дарга Г.Занданшатар Г.Дамдинням гишүүний талаар залруулга хийв

Хөрөнгө оруулалтын тухай хуулийн шинэчилсэн найруулгын төслийг хэлэлцэж байна

Хөрөнгө оруулалтын тухай хуулийн шинэчилсэн найруулгын төслийг хэлэлцэж байна

Я.Содбаатар: Ерөнхийлөгчийг хятадаар ярьсан гэх бичлэгийг зохион байгуулалттайгаар хийж, түгээсэн хүмүүсийг олж тогтоосон

Я.Содбаатар: Ерөнхийлөгчийг хятадаар ярьсан гэх бичлэгийг зохион байгуулалттайгаар хийж, түгээсэн хүмүүсийг олж тогтоосон

БИЧЛЭГ: Согтуугаар тээврийн хэрэгсэл жолоодож яваад хүн мөргөж, зугтсан этгээдийг илрүүлэв

БИЧЛЭГ: Согтуугаар тээврийн хэрэгсэл жолоодож яваад хүн мөргөж, зугтсан этгээдийг илрүүлэв

УИХ: Үндсэн хуулийн нэмэлт өөрчлөлтийн хоёр дахь хэлэлцүүлгийг хийж байна

УИХ: Үндсэн хуулийн нэмэлт өөрчлөлтийн хоёр дахь хэлэлцүүлгийг хийж байна

Зайсан тойруугийн зам нэг чигийн хөдөлгөөнтэй болно

Зайсан тойруугийн зам нэг чигийн хөдөлгөөнтэй болно

"Утсаараа яриулаач" хэмээн тусламж хүсэж, тусгай программ суулган 350 сая төгрөг залилжээ

"Утсаараа яриулаач" хэмээн тусламж хүсэж, тусгай программ суулган 350 сая төгрөг залилжээ