Дэлхийн хамгийн үнэ цэнтэй компаниудын нэг болох “Apple”-ийн зах зээлийн үнэлгээ нэг өдрийн дотор 191 тэрбум ам.доллароор нэмэгдэж, өсөлтөөрөө АНУ-ын Хөрөнгийн биржид бүртгэлтэй компаниудыг тэргүүллээ.
Пүрэв гарагт “Apple”-ийн хувьцааны ханш 8.8 хувиар өссөний дараа зах зээлийн үнэлгээ нь 2.34 их наяд ам.доллар хүрсэн нь тус компанийн хамгийн өндөр үзүүлэлтүүдийн нэг болж байна. Хэдий тийм боловч тус компанийн хувьцааны ханш он гарсаар 17 хувиар буураад байгаа юм.
Харин өнгөрсөн улиралд “Apple”-ийн нийт орлого 8.1 хувиар өсөж, 90.1 тэрбум ам.доллар хүрсэн нь шинжээчдийн таамгаас давсан үзүүлэлт болж байсан юм. Тухайлбал: “Mac” компьютер, ухаалаг цагны борлуулалт нь шинжээчдийн таамгаас давж өссөн нь үүнд голлон нөлөөлжээ.
Түүнчлэн шинээр худалдаанд гарсан “iPhone 14” загварын гар утасны борлуулалт өсөлтөд нөлөөлсөн байна.
“Apple” компанийн хувьд энэ улирлын орлогын төсөөллөө хараахан ил болгоогүй байгаа ч шинжээчид тус компанийн борлуулалтыг 128 тэрбум ам.доллар буюу бүх цаг үеийн дээд түвшинд хүрч өснө гэж тооцоолж байгаа аж.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.