Тэрбумтан Илон Маск Твиттер хэрэглэгчдийн дунд явуулсан санал асуулгын дүнгээр тус компанийн гүйцэтгэх захирлын албан тушаалаасаа огцрохоор шийдвэрлэжээ.
Тэрээр ням гарагт өөрийгөө компанийн гүйцэтгэх захирлын албан тушаалаас огцруулах эсэх асуудлаар санал асуулга явуулахад 17,5 сая гаруй оролцогчийн 57,5 хувь нь дэмжсэн байна.
Үүнтэй холбоотойгоор тэрээр энэ суудалд томилогдох хангалттай дүйнгэ хүнийг олсныхоо дараа гүйцэтгэх захирлын албан тушаалаа шилжүүлнэ гэжээ.
Маск Твиттерийг 44 тэрбум ам.доллараар худалдан авснаасаа ердөө хоёр сарын дараа гүйцэтгэх захирлын суудлаасаа огцорч байна.
Энэ хугацаанд тэрээр Ерөнхийлөгч асан Дональд Трампийн Твиттер хаягийг сэргээсэн. 2020 оны 11-р сард болсон Ерөнхийлөгчийн сонгуульд их хэмжээний луйвраас болж ялагдсан гэж өнгөрөгч оны эхээр Трампыг жиргэсний дараа дэмжигчид нь Конгрессийн ордон руу дайрсан юм. Ерөнхийлөгч асны жиргээ дахин эмх замбараагүй байдал үүсгэж болзошгүй гэсэн болгоомжлолоор Твиттер компани Трампын хаягийг хааж байсан.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.