Өнгөрөгч Баасан гарагт Бразилын Рио де Жанейро хотод алдарт дуучин Тэйлор Свифтийн аялан тоглолт болсон. Тус хотын Нилтон Сантос цэнгэлдэх хүрээлэнд зохиогдсон уг тоглолтыг ойролцоогоор 60 мянга орчим үзэгч үзсэн байна. Харамсалтай нь тус тоглолтын үеэр нэг хүн амиа алджээ. Тодруулбал, Свифтийн тоглолт болсон өдөр Рио де Жанейрогийн агаарын температур түүхэн дээд хэмжээ буюу Цельсийн 39.1 хэм хүрч халсан нь нэг үзэгчийг ийнхүү үхэлд хүргэсэн байна. Ана Клара Беневидес гэх 23 настай эмэгтэй ухаан алдаж унасныг эмнэлэгт хүргэсэн ч амьсгал хураажээ.
Түүнийг цэнгэлдэх хүрээлэнд орохоор гадна нь дугаарлан зогсож байхдаа ухаан алдан унасан гэж эх сурвалжууд мэдээлж байгаа юм. Зарим фэнүүд нь уг тоглолтыг ойроос үзэхийн тулд олон өдрийн өмнөөс дараалалд зогсож эхэлсэн аж. Тухайн өдрийн агаарын хэмийг чийгшилтэй нь тооцвол Цельсийн 59 хэмийн халалт мэдрэгдсэн гэж мэргэжилтнүүд тооцоолжээ. Энэ нь тус хотын түүхэнд бүртгэгдэж байгаагүй өндөр үзүүлэлт юм.
Тэйлор Свифт тоглолтын дараа сошиал хуудсаараа дамжуулан талийгаачийн гэр бүл, найз нөхдөд гүн эмгэнэл илэрхийлсэн байна.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.