Д.Хаянхярваа: Хүрэлсүх ээ! Таны сэлэм тойрсон "ШИЙ" ЖҮЖИГ чинь хуучирчхаад байна (ВИДЕО)

УИХ-ын гишүүн асан Д.Хаянхярваа Ерөнхий сайд асан У.Хүрэлсэд хандаж ийнхүү хэлж байжээ.

Тэрбээр, "Ерөнхий сайд аа! Би танд намын бүлгийн хурал дээр ч, хаана ч хэлдэг үгээ хэлье. Танд маш их дутагдал байна. Ерөнхий сайд хийх танд чадвар ч алга байна. Яагаад гэж та асуу. Яагаад гэвэл та өөр дээрээ шүүмжлэл хүлээж авдаггүй хүн байна лээ. Алдаа оноог чинь хэлж өгөхөд та “Намын дарга хүн, Ерөнхий сайд хүн рүү битгий дайр. Би бол цэвэр ариун байх ёстой.  Та нартай хариуцлага тооцоод өгнө. Та нарыг зайлуулаад өгнө” гэдэг л юм ярьдаг. Олон удаа би танд энэ үгийг хэлснийхээ төлөө ад үзэгдсэн. Олон удаа энэ шаардлагыг тавьж байсан.

Та энэ алдаагаа засахгүй бол цаашдаа ч гэсэн энэ том баг бүрэлдэхүүн, Монгол улсыг авч явах асуудал дээр тэнцэхгүй. Яагаад гэвэл танд ёс суртахуун байхгүй байна. Багаар ажиллах чадвар танд байхгүй байна. Хүн удирдаж, багийг удирдаж явах чадамж танд алга байна гэж би үзэж байна. Юманд тооцоо судалгаатай хандаж чаддаггүй ганцхан жишээг би хэлье.

Танай засгийн газрыг байгуулж байхад миний хэлж байсан үгийг та санаж байгаа байх. Бага ярь, их хий. Хий хоосон хийнэ гэсэн реклам чинь ард түмэнд хүлээлт үүсгээд байна. Битгий рекламд, хийчхээд дараа нь хийлээ гэж хэлж бай гэж би хэлж байсан. Харамсалтай нь энэ дандаа эсрэгээрээ явсан. Өнөөдөр дандаа  PR л явж байна ш дээ. Тийм юм, ийм юм хийнэ.

Утаа бууруулна гэхэд та юу гэж ярьж байлаа? Хятадтай ярьчихсан. Би даалгавар өгчихсөн. 100’000 айлд яндан дээр нь шүүлтүүр тавиад л утааг дор нь бууруулна гэсэн чинь бүлгийн хурал дээр 45 билүү 54 тэрбумыг  суулгаж ирснээ больё, больё энэ чинь айл шатаах юм байна гээд яг миний хажууд сууж байгаад энийг татаж авах ёстой гэж хэлээ биз дээ. Би танд хэлж байсан. Энэ Цэрэнбат чинь хар толгойгоороо би хариуцна гээд хэлчихлээ ш дээ гэсэн чинь наа чинь тооцоо судалгаа муутай хандсан юм аа гээд Цэрэнбат руу бухаад өнгөрч байсан. Та хариуцлагаас ингэж л бултдаг юм байна лээ. Энэ бол миний танд хэлэх хамгийн наад захын жишээ.

Яагаад гэвэл та ажил мэдэхгүй байна. Амьдрал мэдэхгүй байна. Ажил яаж явдаг уу? Амьдрал яаж явдаг уу? Хүн хоорондын харилцаан дээрээс ажил ундардаг гэдгийг та ерөөсөө ойлгохгүй байна. Бүх юмыг цэргийн хүний маягаар, захиргаадаж, захирч ер нь шууд команд өгч хийлгэнэ гэж бодож байвал та эндүүрч байна аа. Ерөнхий сайд аа! Ингэж болохгүй. Товчхондоо бол яг одоо ард түмнийг харуулж байгаад хэлэхэд бол таны сэлэм тойрсон "ШИ" жүжиг чинь хуучирчхаад байна. Анх орж ирэхдээ нэг сэлэм сугалсан, хаагуур тэнээд явж байгаад эргээд буцаад одоо урьд нь нэг наалдаж байгаа юм нь мэдэгдэхгүй. Наалдаж байгаа юм шиг байгаа юм. Одоо дахиад сугалах гээд байгаа юм уу? Эсвэл наалдсан сэлмээ хуулж хаях гээд байгаа юм уу?" гэжээ.