Румын дахь дүрвэгсдийн хуаранд байрлаж байгаа долоон настай охинд төрсөн өдрийн дуудуулж өгөн, баярыг нь тэмдэглэж буй бичлэг олны сэтгэлийг хөдөлгөж байна.
Түүний амьдарч буй энэ хар дарсан зүүд аль болох хурдан дуусаж, ирэх жилийн төрсөн өдрөө гэртээ халуун ам бүлээрээ тэмдэглээсэй
Румын улсын Сирет дэх хуаранд ажиллаж байсан сэтгэл зүйч тэнд байгаа охидын нэг Аринагийн төрсөн өдөр болж буйг улсын гал унтраах албаныханд мэдэгдсэн нь ийнхүү охины онцгой өдрийг тэмдэглэх эхлэл болжээ.
Хуаранд байсан бүх хүн, гал сөнөөгчид, албаныхан болон энгийн иргэд төрсөн өдрийн дуу дуулж, бяцхан охины баярт мөчийг хамтдаа тэмдэглэжээ.
Арина танихгүй хүмүүсийн өгөөмөр сэтгэлийн ачаар дайны нөхцөл байдлыг үл харгалзан төрсөн өдрийн малгай өмсөн, бялуу, олон бэлэг авчээ.
Румыны Дотоод хэргийн яамны төлөөлөл бяцхан охины нөхцөл байдлыг хараад өрөвдөж буйгаа твиттер хуудсандаа бичсэн байна. Тэд "Түүний амьдарч буй энэ хар дарсан зүүд аль болох хурдан дуусаж, ирэх жилийн төрсөн өдрөө гэртээ халуун ам бүлээрээ тэмдэглээсэй" гэжээ.
Охины иргэншил хараахан батлагдаагүй байна. Гэсэн хэдий ч дүрвэгсэд Украинаас Румынд олноороо иржээ.
Эх сурвалж: Today
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.