ЭМЯ-ны Төрийн нарийн бичгийн дарга Ц.Эрдэмбилэг "Өргөө" амаржих газартай холбоотой асуусан сэтгүүлчдийн асуултад хариулав.
- Ж.Энхцэцэг дарга "Өргөө" амаржих газрын хэд хэдэн ажилтан хувийн эмнэлэг рүүгээ үйлчлүүлэгчдийг явуулдаг асуудлын талаар хэвлэлд ярьсан. Ер нь төрийн байгууллагад ажиллаж байгаа эмч нар хувийн бизнес эрхлэх боломжтой юу?
- Энэ асуудал аль ч эрүүл мэндийн байгууллагад байх ёсгүй. Ганцхан "Өргөө" амаржих газар ч биш, бусад эрүүл мэндийн байгууллагын удирдлага ийм зүйлийг таслан зогсоож, тэмцэх ёстой.
Ж.Энхцэцэг даргын хувьд ийм зүйлтэй тэмцэх ажил хийж байсан нь сайшаалтай. Гэхдээ энэ удаагийн асуудал нь өөрөө ёс зүйн хороогоор орсон буюу ихэнх нь ёс зүйн зөрчил гэх асуудал байгаа юм. Ёс зүйтэй холбоотой асуудал нь өөрөө хараат бус комиссоор тогтоосон учраас үүн дээр нь арга хэмжээ авсан.
- Ийм асуудалтай холбоотой гомдол ЭМЯ-нд ирдэг үү?
- Бид 11-11 төв дээр санал гомдол хүлээн авдаг бөгөөд эмнэлгийн байгууллагын хүнд суртал, ёс зүйн асуудал гардаг. Тиймээс ЭМЯ-наас Эрүүл мэндийн ажилтны чанар, аюулгүй байдлын шалгалт заавал орж байгаа.
- Үйлчлүүлэгчээс эмч мөнгө авдаг асуудлыг ЭМЯ яаж зогсоох вэ?
- Энэ бол нэг төрлийн гэмт хэрэг. Иргэдээс шууд халаасандаа мөнгө авч байна гэдэг нь гэмт хэрэг. Яг ийм зөрчил гаргасан хүмүүсийг цагдаагийн байгууллагаар шалгуулаад, энэ дээр нь хариуцлага тооцох ёстой.
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.