MEC: Ерөнхийлөгч Х.Баттулга 2021 оны сонгуульд дахин нэр дэвших талаар иргэдийн 46% нь ДЭВШИХ БОЛОМЖТОЙ гэж үзжээ

Улстөрийн барометер (2021 оны 3-р сар)

MEC судалгааны байгууллагаас 2021 оны гуравдугаар сарын судалгааг хүргэж байна.

Монгол улсын Ерөнхийлөгч Х.Баттулгын үйл ажиллагааны үнэлгээ өмнөх сарын үзүүлэлттэй ижил үр дүнг үзүүлжээ. 

УИХ-ын үйл ажиллагааг иргэд өндрөөр үнэлсэн хэвээр байна. УИХ-ын үйл ажиллагаа өмнөх сараас 0,2 пунктээр өссөн үзүүлэлттэй байгаа аж.

Монгол улсын Ерөнхий сайдын үйл ажиллагаа өмнөх сараас 0,9 пункт буюу бараг нэг бүхлээр өссөн үзүүлэлттэй байна. 

Үйл ажиллагаа нь таалагддаг улстөрчийг Ерөнхий сайд Л.Оюун-Эрдэнэ тэргүүлж, Ерөнхийлөгч Х.Баттулга удаалсан хэвээр байна. Л.Оюун-Эрдэнийн хувьд Ерөнхий сайдаар томилогдсонтой холбоотойгоор огцом өсөлт харагдаж байна. У.Хүрэлсүхийн хувьд 10 хувь унаж, жагсаалтын гуравдугаарт бичигдсэн хэвээр байна. С.Ганбаатарын үзүүлэлт 1%-р өсөж дөрөвдүгээрт бичигджээ. Энэ удаад хоёрдугаар сард шинээр нэмэгдэж орж ирсэн С.Одонтуяа уг жагсаалтаас хасагджээ. 

Нийслэлийн Засаг дарга Д.Сумъяабазарын үйл ажиллагаа 0,1 пунктээр буурсан үнэлгээтэй байна. Өнгөрсөн хоёрдугаар сард зөвхөн олны өмнө ил гараагүй гэдэг шалтгаанаар өсч байсан рейтинг энэ удаад буурчээ. 

Үйл ажиллагаа нь таалагддаггүй улстөрчдийн жагсаалтыг С.Эрдэнэ сүүлийн гурван сар тэргүүлсэн хэвээр байгаа бол Ц.Нямдорж удааллаа. Өнгөрсөн сард удаалж байсан У.Хүрэлсүх 2 хувиар буурч гуравдугаарт жагсжээ. Д.Сумъяабазарын тааламжгүй үзүүлэлт сүүлийн гурван сар буурсан үзүүлэлттэй байсан бол энэ удаад 5 хувиар өсөж дөрөвдүгээрт бичигджээ. Жагсаалтад шинээр Сү.Батболд таалагддаггүй улстөрчөөр нэрлэгдэж, энэ сарын сүүлийг мушгижээ.

Ерөнхийлөгч Х.Баттулгын "Өрх бүрт нэг сая төгрөг олгох" санаачлагыг Л.Оюун-Эрдэнийн Засгийн газар дэмжих боломж байгаа эсэхийг судлахад өнгөрсөн сард нийт иргэдийн дийлэнх буюу 35% нь боломжгүй,  34% боломжтой гэж үзсэн бол энэ сард 45% нь боломжтой, 25% нь боломжгүй гэж үзжээ. 

МАН болон МАХН эргэн нэгдэх тал дээр нийт иргэдийн 32% нь зөв, 31% мэдэхгүй, 22% нь буруу, 8% нь маш буруу, 7% нь маш зөв гэсэн хариулт өгчээ. 

Ерөнхийлөгч Х.Баттулга 2021 оны сонгуульд дахин нэр дэвших талаар иргэдийн 65 % нь дэвших боломжтой, дэвших ёстой гэсэн эерэг хүлээлттэй нь харагдаж байна. 21% дэвшээд хэрэггүй, 7% дэвшиж огт болохгүй гэсэн хариултыг өгчээ.  

Төр иргэдийн эдийн засгийн идэвхитэй үйл ажиллагаа явуулах боломжийг хаасныхаа нөхөн олговрыг өгөх эсэх тал дээр 29% боломжтой бол нөхөн олговор өгөх хэрэгтэй, 25% нөхөн олговор өгөх нь зөв, 23% заавал нөхөн олговор өгөх ёстой, 18% нөхөн олговор өгөх шаардлагагүй, 5% нь мэдэхгүй гэсэн хариултыг өгчээ. 

Эх сурвалж: МЕС судалгааны байгууллага