СУДАЛГАА: Манай оронд 953 бие гүйцсэн ЦООХОР ИРВЭС бий

Монгол орны цоохор ирвэсийн тархац нутгийг нарийвчлан тогтоох, тоо толгойг үнэлэх судалгааны дүн гарлаа. Монгол улсад дунджаар 953 бие гүйцсэн цоохор ирвэс байг судалгаагаар тогтоожээ. 

Цоохор ирвэс үгүй бол

• өндөр уулын унаган төрх алдагдаж,
• экологийн хувьд тааламжгүй нөхцөл үүсэхийн дохио болно.

Иймээс ирвэсийн амьдралыг сайтар судалж, түүний оршихуйн зүй тогтлыг таньж мэдэх нь хамгааллын ажилд хэрэгтэй суурь мэдээлэл болж, өндөр уулын хувь заяаг урьдчилан төсөөлөх боломжийг олгоно.

Ирвэсийн тархац нутгийг нарийвчлан тогтоох, тоо толгойг үнэлэх судалгааны зарим тоон мэдээллээс:

• 1475 камер байршуулсан
• 15 ирвэсэнд байршил мэдээлэх хүзүүвч зүүсэн
• 406.800 км/квадрат талбай буюу 10 аймаг, 29 уулаар явж, 500 хүн тус судалгаанд оролцжээ. 

Дэлхийн байгаль хамгаалах сан (WWF)-гийн Монгол дахь хөтөлбөрийн газрын санаачилсан энэхүү судалгааны ажилд хамтран ажилласан байгууллагууд: 

• БайгальОрчинАялалЖуулчлалынЯам
• Монголын ирвэс хамгаалах сан, 
• Олон улсын ирвэс хамгаалах сан, 
• Монголын ирвэс төв, 
• Монгол Улсын Их сургууль, 
• Шинжлэх ухааны академи, 
• Тусгай хамгаалалттай нутгийн удирдлагын газар, түүний харьяа тусгай хамгаалалттай газрууд оролцов.