БШУ-ны сайд Л.Энх-Амгалан Монголын сэтгэл зүйчдийн нийгэмлэгийн судлаачидтай уулзаж санал солилцлоо. Энэ нийгэмлэгээс сурагчдын дунд хэд хэдэн судалгаа явуулж гарааны болон барианы үнэлгээ хийжээ. Сонгосон сургуулиудад сэтгэл зүйч ажиллуулж үр дүнг тооцсон байна.
Судалгаанаас харахад 11-13 насныхан сэтгэл зүйчид хандах нь 47 хувьтай үзүүлэлт гарсан нь сонирхол татаж байна. Бусад насны сурагчдын 20 хүртэл хувь нь л сэтгэл зүйчээс зөвлөгөө авчээ.
Тохиолдолуудыг ангилж үзвэл 74 хувьд нь гэр бүлийн шинжтэй ямар нэгэн сэтгэл зүйн дарамт учирсан талаар хандсан байна. Энэ нь сурагчдын сурлагын болон бусад амжилтад муугаар нөлөөлснийг баталжээ.
Өнөөдөр сургууль бүрт сэтгэл зүйч ажиллуулах боломж хомс байгаа учир дундын шийдэл олох ажлын хэсэг байгууллаа. Ажлын хэсгийг 14 хоногийн дараа сонсож, дахин ярилцахаар боллоо.
.jpg)
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.