Улсын хэмжээнд 2021 оны эхний улиралд 17.6 мянган эх амаржсан нь өмнөх оны мөн үеэс 911 (4.9%)-ээр буурсан байна.
Амаржсан эхчүүдийн 13.3 мянга (75.3%) нь 6, түүнээс дээш удаа жирэмсний хяналтад хамрагдсан нь өмнөх оны мөн үеэс 567 (4.1%)-гоор буурчээ. Нийт амаржсан эхчүүдийн 48 (0.3%) нь гэртээ төрсөн нь өмнөх оны мөн үеэс 26 (35.1%)-гаар буурсан байна.
Улсын хэмжээнд 2021 оны эхний улиралд нас баралтын 3769 тохиолдол бүртгэгдсэний 1028 (27.3%) нь эмнэлэгт, 2741 (72.7%) нь гэрийн (бусад газарт) нас баралт байна. Нийт нас баралт өмнөх оны мөн үеэс 187 (4.7%)-гоор, гэрийн (бусад газарт) нас баралт 63 (2.2%)-аар, эмнэлгийн нас баралт 124 (10.8%)-өөр тус тус буурчээ.
Энэ оны 3 дугаар сард нас баралтын 1381 тохиолдол бүртгэгдсэний 380 (27.5%) нь эмнэлэгт, 1001 (72.5%) нь гэрийн (бусад газарт) нас баралт байна. Нийт нас баралт өмнөх сараас 144 (11.6%)-өөр, гэрийн нас баралт (бусад газарт) 90 (9.9%)-ээр, эмнэлгийн нас баралт 54 (16.6%)-өөр тус тус нэмэгджээ.
Халдварт өвчнөөр өвчлөгчид 2021 оны эхний улиралд 11.3 мянга болж, өмнөх оны мөн үеэс 1897 (20.1%)-гоор нэмэгдэхэд коронавирусын халдвараар өвчлөгчид 7238 (604.2 дахин)-аар нэмэгдсэн нь нөлөөлжээ.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.