11 дэх улсаа байлдан дагуулахаар ирж буй өрсөлдөөнт хит шоу нэвтрүүлэг юм.
Централ Телевиз нь ITV Studios-ын Таван Алтан цагариг өрсөлдөөнт шоу нэвтрүүлгийг албан ёсны эрхтэйгээр бэлтгэн хүргэхээр болж байна. Үзэгчдийг хүчтэй, идэвхтэй татан оролцуулдаг энэхүү шоу нь дэлхийн олон улс оронд аль хэдийнэ нутагшаад эхэлчихсэн бөгөөд эдүгээ 11 дэх улсдаа цацагдах гэж буй нь Монгол юм. Нэгдүгээр улиралд нийт 26 дугаар бэлтгэх бөгөөд энэ оны сүүлээр шоуг үзэгчдэдээ хүргэж эхэлнэ.
"Бид дэлхийн хамгийн том танин мэдэхүйн нэвтрүүлгүүдийн нэг болох 'Таван Алтан цагариг' шоуг нутагшуулан хүргэх гэж байгаадаа туйлын их баяртай байна. Монголын үзэгчдэд танин мэдэхүйн боловсрол олгох үйлсэд "Таван Алтан цагариг" шоу чухал хувь нэмэр оруулна гэдэгт бид эргэлзэхгүй байгаа" хэмээн Централ Телевизийн Гүйцэтгэх захирал ноён Ганболдын Анхбаяр өгүүлсэн юм.
Таван Алтан цагариг шоу нь дэлхий дахинд алдаршсан өрсөлдөөнт нэвтрүүлэг бөгөөд Жон де Мол болон ITV Studios-н Possessed нэгтгэл хамтран бүтээжээ. Энэхүү өрсөлдөөн ихтэй шоу нэвтрүүлэгт жижиг хэмжээс бүр маш чухал байдаг. Нэвтрүүлэгт оролцож байгаа өрсөлдөгчид том хэмжээтэй дэлгэц бүхий шалан дээр таван алтан цагаригийг байрлуулж асуултанд хариулдаг. Түвшин ахих тусам шагналын мөнгө нэмэгдэж, цагаригийн тойргийн хэмжээ багасдаг! Үзэгчид нэвтрүүлгийг үзэж байхдаа апп ашиглан гэрээсээ тухайн асуултуудад хариулж, сонирхолтойгоор тоглолтод оролцох боломжтой.
Эх сурвалж: itv.com
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.