Хэлмэгсдийн хөшөө дээр үзэл бодлоо илэрхийлж, дайныг эсэргүүцэж цуглаан хийж байсан МУГЖ Д.Сосорбарам руу Босоо хөх монгол хөдөлгөөний Н.Бээжин нар “нунтаг цагаан зүйлийг цацсан” хэрэг гарсан.
Харин тус хэрэг явдлыг Чингэлтэй дүүргийн цагдаагийн хэлтэс шалгаж байгаа гэж Цагдаагийн ерөнхий газраас мэдэгдсэн.
Тэгвэл Д.Сосорбарам руу цацсан нунтаг цагаан зүйл нь “шавжны хор” байж болзошгүй байгаа аж.
Учир нь тэнд байсан хүмүүсийн нүүр, нүд хорсох, улайх зэрэг шинж тэмдэг илэрчээ. Иймд тус “цагаан зүйл” юу болохыг тогтоолгохоор “Шүүх шинжилгээний үндэсний төв”-д хүргүүлээд байгаа ажээ.
Шинжээчийн дүгнэлт гарахад 2-3 хоногийн хугацаа шаардлагатай байдаг аж. Одоогоор хариу нь гараагүй байна гэж эх сурвалж мэдээллээ.
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.