03 сарын 29, Баасан

Засгийн газраас Нийслэлийн газрын наймааг цэгцэлнэ

Нийслэл
1 жилийн өмнө
Засгийн газраас Нийслэлийн газрын наймааг цэгцэлнэ

Засгийн газрын тэргүүн энэ оны эхэнд чуулганы хуралдаан дээр хэлсэн үгэндээ төмөр зам, авлига, албан тушаалын хэрэг, Монголбанкны захирлуудын мөнгө хүүлэлт зэрэгтэй хатуу тэмцэхээ илэрхийлж байсан. Хэлсэн үгэндээ ч хүрч Банк бус санхүүгийн байгууллагатай Монголбанкны удирдлагын нэрсийг олон нийтэд зарлаж, С.Батдөл зэрэг төмөр замын хэд хэдэн албан тушаалтныг өдгөө хууль хяналтынхан шалгаж байгаа.

Тэгвэл чуулганы хуралдаан дээр онцгойлон анхааруулсан нийслэлийн газрын наймааг цэгцлэх ажилдаа гүйцэтгэх засаглалын тэргүүн ханцуй шамлан орсон бололтой. Энэ талаар өчигдрийн /2023.03.15/ Засгийн газрын ээлжит хуралдаан дээр Ерөнхий сайд нэлээд ширүүхэн анхааруулсан гэнэ.

Нийслэл хотын газрын наймааны асуудал аль тэртээ 2000 оноос эхлэлтэй гэгддэг. Муу нэртэй, луу данстай М.Энхболд хотын дарга байхдаа олон газрыг хууль бусаар зарсан гэж яригддаг. Түүнээс хойших хотын дарга нарыг ч газрын хууль бус олголт тойроогүй. Бүгд л энэ төрлийн асуудалд нэр холбогдож, хэвлэл мэдээллийн хэрэгслээр тэр тухай нь гарч байлаа. Гэсэн хэдий боловч хууль хяналтынхан шалгадаггүй, шалгасан ч тодорхой үр дүнд хүрэхгүй байсаар өнөөдрийг хүрсэн.

Тэгвэл Ерөнхий сайд Л.Оюун-Эрдэнэ энэ удаад газрын наймааг тойрсон хэргүүдийг эзэн холбогдогчидтой нь хамт олон нийтэд тун удахгүй мэдээлэхээр болсон байна. Тэр дундаа Улаанбаатар хотын нийтийн эзэмшлийн зам талбайг хууль бусаар зарсан, барилга орон сууц барьсан зэрэг асуудлыг хөндөн тавихаар болжээ. Тухайлбал, Шастины нэрэмжит Гуравдугаар төв эмнэлгийн эзэмшилд байсан газруудыг зарсан, тухайн газартаа барилга орон сууц барьсан асуудал багтжээ. Мөн төмөр зам руу тулгаж барьсан “Их наяд” худалдааны төв зэрэг томоохон газар олголтыг хийсэн албан тушаалтнуудын нэрсийг ил болгох аж. Ингэхдээ тухайн газар олгох үед ажиллаж байсан болон одоо ажиллаж байгаа албан тушаалтнуудыг Авлигатай тэмцэх газар болон холбогдох хууль хяналтын байгууллагуудаар шалгуулах юм байна.

Ер нь Улаанбаатар хотын газар олголт ямар ч эмх цэгцгүй явж ирснийг олон нийт шүүмжилдэг. Автомашинтай бүү хэл явган зорчиход ч хэцүү болтол хотын төвдөө байшин барьж, хашаалсныг “Бетонон ой” гэж хүртэл шүүмжилдэг. Эхний ээлжид элдэв торон хашаануудыг ээлж дараалан буулгаж байсан бол ийнхүү зах замбараагүй байшин барилгууд болон хууль бусаар газар олгосон асуудлыг Засгийн газраас цэгцлэхээр болсон нь тун сайн хэрэг.

Улаанбаатар хотын иргэд зам дээрээ өдөржин түгжирч байгаагийн гол шалтгаан нь ч эмх замбараагүй газар олголт, байшин барилгууд мөн.

Харин энэ бүх асуудлыг нэг мөр шийдэж, цаашид нийслэлийн газар олголтыг эмхэнд нь оруулахаар ийнхүү Засгийн газраас шийдсэн байна.

Өглөөний сонин

0
0
0
0
0
0
0

Сэтгэгдэл0

АНХААР!

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.

Санал асуулга

Та "Гадаадын хөрөнгө оруулалтын тухай хуулийг" дэмжиж байна уу?

Нийт санал:237

Видео

Г.Дамдинням: Иргэд биднийг шуудай гурил, хивэг үүрээд 5, 10 кг будаа, гурил тараагаад яв гэж сонгоогүй

Г.Дамдинням: Иргэд биднийг шуудай гурил, хивэг үүрээд 5, 10 кг будаа, гурил тараагаад яв гэж сонгоогүй

УИХ-ын дарга Г.Занданшатар Г.Дамдинням гишүүний талаар залруулга хийв

УИХ-ын дарга Г.Занданшатар Г.Дамдинням гишүүний талаар залруулга хийв

Хөрөнгө оруулалтын тухай хуулийн шинэчилсэн найруулгын төслийг хэлэлцэж байна

Хөрөнгө оруулалтын тухай хуулийн шинэчилсэн найруулгын төслийг хэлэлцэж байна

Я.Содбаатар: Ерөнхийлөгчийг хятадаар ярьсан гэх бичлэгийг зохион байгуулалттайгаар хийж, түгээсэн хүмүүсийг олж тогтоосон

Я.Содбаатар: Ерөнхийлөгчийг хятадаар ярьсан гэх бичлэгийг зохион байгуулалттайгаар хийж, түгээсэн хүмүүсийг олж тогтоосон

БИЧЛЭГ: Согтуугаар тээврийн хэрэгсэл жолоодож яваад хүн мөргөж, зугтсан этгээдийг илрүүлэв

БИЧЛЭГ: Согтуугаар тээврийн хэрэгсэл жолоодож яваад хүн мөргөж, зугтсан этгээдийг илрүүлэв

УИХ: Үндсэн хуулийн нэмэлт өөрчлөлтийн хоёр дахь хэлэлцүүлгийг хийж байна

УИХ: Үндсэн хуулийн нэмэлт өөрчлөлтийн хоёр дахь хэлэлцүүлгийг хийж байна

Зайсан тойруугийн зам нэг чигийн хөдөлгөөнтэй болно

Зайсан тойруугийн зам нэг чигийн хөдөлгөөнтэй болно

"Утсаараа яриулаач" хэмээн тусламж хүсэж, тусгай программ суулган 350 сая төгрөг залилжээ

"Утсаараа яриулаач" хэмээн тусламж хүсэж, тусгай программ суулган 350 сая төгрөг залилжээ

Б.Жавхлан: Гаалийн дарга асан Б.Асралт анх "Нүүрсний хулгай" илрүүлсэн

Б.Жавхлан: Гаалийн дарга асан Б.Асралт анх "Нүүрсний хулгай" илрүүлсэн

Агаарын шоуны үеэр хоёр онгоц мөргөлджээ

Агаарын шоуны үеэр хоёр онгоц мөргөлджээ