2014 онд дахин төлөвлөлтөд орж, газар чөлөөлөлт гацсан зарим байршлыг "Гэр хорооллыг орон сууцжуулах төсөл"-ийн хүрээнд орон сууцжуулахаар төлөвлөсөн. Энэ хүрээнд Нийслэлийн Засаг дарга бөгөөд Улаанбаатар хотын Захирагч Х.Нямбаатар болон холбогдох албаныхан Сонгинохайрхан дүүргийн 5 дугаар хороонд ажиллав.
Сонгинохайрхан дүүргийн тавдугаар хороо, Ханын материал орчимд 9.3 га газрын 140 нэгж талбар чөлөөлөхөөс 1.1 газрын 24 нэгж талбарыг 10 жилийн өмнө чөлөөлсөн. Өнгөрсөн хоёрдугаар сард Хотын дарга Х.Нямбаатар арван жилийн турш хэрэгжээгүй төслийн улмаас хохирсон дээрх 24 өрхийн хохирлыг барагдуулж, орон сууцны батламж гардуулсан. Харин өнөөдөр үлдсэн 116 нэгж талбарыг чөлөөлөх асуудлаар ням гарагт газар дээр нь ажиллалаа.
Нийслэлийн Газар зохион байгуулалтын албанаас тухайн орчмын өрхүүдтэй уулзан, урьдчилсан байдлаар судалгаа авчээ. Газар чөлөөлөх хэлэлцээрийг өнөөдрөөс эхлүүлнэ.
Газар чөлөөлөхдөө газрыг газраар, бэлэн мөнгөөр, орон сууцаар солих боломжтой. Дээрх 9.3 га газрыг бүрэн чөлөөлж, 1200 айлын орон сууц барихад шаардлагатай дэд бүтэц бүрэн шийдэгджээ.
Тус байршил дахь гэр хорооллыг орон сууцжуулах төслийг НОСК хариуцан хэрэгжүүлнэ гэж НЗДТГ-ын Хэвлэл мэдээлэл, олон нийттэй харилцах хэлтэс мэдээлэв.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.