Засгийн газраас өчигдөр ирэх гурван жилийн хугацаанд эдийн засаг, эрүүл мэндээ сэргээх 10 их наядын цогц төлөвлөгөөг танилцуулсан юм. Энэ үеэр УИХ-ын дарга Г.Занданшатар одоо 4000 ам.доллар орчим байгаа нэг хүнд ногдох орлогыг 6000 ам.долларт хүргэхийг онцолсон юм.
Түүний мэдэгдэл цахим ертөнцөд багагүй шуугиан тарьсан бөгөөд үүнтэй холбогдуулан УИХ-ын дарга Г.Занданшатар өөрийн цахим хуудаснаа дараах тайлбарыг хийжээ.
Тэрбээр, "2020 оны нэг хүнд ноогдох ДНБ-ны орлого 3990 ам.доллар.
Аливаа улсын эдийн засгийн нийт багтаамжийг хэмждэг гол үзүүлэлт бол ДОТООДЫН НИЙТ БҮТЭЭГДЭХҮҮН юм. Энэ нь тухайн улсын нутаг дэвсгэр дээр бий болсон нийт орлого, баялгийн нийлбэрийг төлөөлөн хэлсэн ойлголт.
Монгол улсын нутаг дэвсгэр дээр бий болсон орлогыг нийт хүн амд хуваасан үзүүлэлтийг НЭГ ХҮНД НООГДОХ ДНБ-ний орлого гэж нэрлэдэг.
Дэлхийн банкны энэхүү тооцоо нь 2019 оны буюу ДНБ нэг хүнд ноогдох нь 4339$ гэж заасан. 2020 онд Олон улсын валютын сан, Дэлхийн банк болон НҮБ-ээс гаргасан судалгаагаар Монгол улсын ДНБ-ний хэмжээ 13.2 тэрбум ам.доллар гэж тооцсон бөгөөд үүнийг 3.3 сая Монголчуудад хувааж тооцвол 3990 ам.доллар буюу ойролцоогоор нэг хүнд 4000 ам.доллар ноогдож байгаа юм.
Бид ирэх жилүүдэд энэ тоог 6000 ам.долларт хүргэх шаардлагатай байгаа юм" гэжээ.
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.