ЦЕГ-ын дэд даргаар ажиллаж байсан хурандаа Ж.Амгалан УОК-ын Нарийн бичгийн даргаар томилогдсон тул Хууль зүй, дотоод хэргийн сайд Х.Нямбаатарын 2021 оны гуравдугаар сарын 12-ны өдрийн тушаалаар ЦЕГ-ын дэд даргаар Экологийн цагдаагийн албаны дарга, цагдаагийн хурандаа О.Амарсанааг томилжээ. О.Амарсанаа нь цагдаагийн байгууллагад 24 жил ажилласан. Тэрээр:
- 2001-2003 онд Төв аймгийн Цагдаагийн газарт эрүүгийн төлөөлөгч,
- 2003-2006 онд БГД-ийн Цагдаагийн хэлтэст эрүүгийн төлөөлөгч,
- 2006-2007 онд ЭЦГ-ын Эрэн сурвалжлах хэлтэст төлөөлөгч,
- 2007-2011 онд тус газрын Зохион байгуулалттай гэмт хэрэгтэй тэмцэх хэлтсийн зохион байгуулалттай гэмт бүлэг хариуцсан ахлах төлөөлөгч,
- 2011-2013 онд Сэлэнгэ аймгийн Цагдаагийн газрын дэд дарга,
- СБД-ийн Цагдаагийн хэлтсийн дэд дарга,
- 2013-2014 онд ЭЦГ-ын Эдийн засгийн гэмт хэрэгтэй тэмцэх хэлтсийн дарга,
- 2014-2015 онд ЧД-ийн Цагдаагийн II хэлтсийн дарга,
- 2017-2018 онд ЭЦГ-ын V хэлтсийн дарга,
- 2018-2020 онд Дундговь, Өмнөговь аймгийн Цагдаагийн газрын дарга
- 2020 оны наймдугаар сараас Экологийн цагдаагийн албаны даргаар тус тус ажиллаж байжээ.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.