Автобус баазын МоАХ-ны анхдагч С.Гансүх АН-ын даргын сонгуулийн (цаасан) санал хураалтад оролцохоор ээжтэйгээ иржээ.
Ардчилсан намын гишүүд Намын даргын сонгуулийн санал хураалтад оролцохоор хөлтэй нь хөлхөж, хөлгүй нь мөлхөж ирж оролцож байна. Дэнсмаа гуай 91 настай, хүү С.Гансүх нь 60 настай. Ээж, хүү хоёул 1990 оны МоАХ, Ардчилсан намын анхдагч гишүүд ажээ. Баянгол дүүргийн МоАХ, АН-ын 22 дугаар үүрийн гишүүн ээж хүү хоёр санал хураалтад (цаасан) оролцохоор биечлэн ирж яваа байдал.
Монголын Ардчилал хүндхэн цаг үеийг туулж, сорилт даван урагшилж байна. Нийгэмд сөрөг хүчний дуу хоолой бүдгэрэх тусам, ёс бус үйлдлүүд газар авдаг. Ардчилсан нам Монголын тусгаар тогтнол, эрх чөлөөний тулах нэгэн БАГАНА нь билээ. Эгэл жирийн гишүүд, дэмжигчдийн мэрийлт, чармайлт, итгэл үнэмшил хугарч, нугарч яваагүйн нотолгоо өнөөдрийн дотоод сонгуулийн идэвх, оролцооноос тод харагдаж байна.
Амжилт хүсье! Ардчиллын төлөөх зүрхтэн бүхэнд.
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.