Дайн болоход ШҮЛСЭЭР байлдах уу?
Д.Ганзориг генерал бол ОХУ, БНХАУ, АНУ-ын тусгай хүчинд бэлтгэгдсэн, Монголд гуравхан байдаг ренжерийн нэг. Төрийн хар хайрцагны бодлого гэж бдаг бол тэр дагуу ЗХЖШ-ын дарга болсон хүн.
УИХ-ын гишүүд хэл амаа бэлдчихээд "за хамаг зовлонгоо ярь" гэжээ. Бодит үнэнийг уянгын халилгүй, попролгүй ярьж. Бүтэн 2 цаг орчмын бичлэг үзлээ.
Яг адилхан гарчигтай мэдээнүүд бөмбөгдөөд байгаа шиг яриагүй юм байна. Тэр мэргэшсэн ЯРИГЧ биш. Цэргийн хүн. Түүний удирддаг салбар улс төрөөс ангид байх ёстой. Попчдын шүлс бүр хэрэггүй.
Сайтууд нэг хүн шиг бичээд эхлэхээр миний "critical thinking" ажиллаж эхэлдэг. Хонин сүрэг шиг маллуулмааргүй байна.
Энэ бол сонгууль. Зэвсэгт хүчинд ассан галыг нэг хүн рүү чиглүүлэх ажил. Зэвсэгт хүчний Ерөнхий командлагчийг хараар будах акц. Ер нь сүүлийн үед эхнэр нөхөр хэрэлдсэн ч түүний буруу болчихоод байгаа л даа. Жанжин штабын даргыг Ерөнхий командлагч томилдог. Томилсон хүнээ хар, одоохон зайлуул, үгүй бол өөрөө зайл гэсэн санаа.
Хүүхдийн санаа л даа. Гэхдээ хүүхдүүд галт зэвсгээр наадаж болмооргүй байна. Улстөржиж болно, хариуцлага ярих нь зөв. Гэхдээ ийм золбин аргаар биш! ХӨСҮТ-ийн дэд дарга Тэмүүлэн гээд Монголд ховор мэргэжилтнээр саяхан туг тахисан. Ийм жишээ тоолоод баршгүй. Улс орныхоо зүрх, тархи болсон хүмүүсээр туг тахиад дууслаа. Хайран мэргэжилтнүүд.
Эх сурвалж: Б.Пүрэв
Сэтгэгдэл3
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.