Монголын Ардчилсан холбооны Удирдах зөвлөлөөс өнөөдөр ҮХЦ-д албан ёсны шаардлага хүргүүлж байгаагаа мэдэгдлээ.
МОНГОЛ УЛСЫН ҮНДСЭН ХУУЛИЙН ЦЭЦИЙН ДАРГА
НАМЖИЛЫН ЧИНБАТ ТАНАА
Үндсэн хуулийн цэцийн гишүүн Д.Одбаярын
талаар шаардлага хүргүүлэх тухай
Монгол Улсын Үндсэн хуулийн цэцийн гишүүн Д.Одбаяр нь 2019 оны 10 дугаар сарын 31-ний өдөр БНСУ-д онгоцны үйлчлэгчийн биед зүй бусаар халдан бэлгийн дарамт учруулсан гэх хэргээ БНСУ-ын хуулиар хүлээн зөвшөөрч эрүүгийн хариуцлага хүлээсэн юм. Гэтэл Монгол Улсын Үндсэн хуулийн Цэц, ялангуяа Н.Чинбат Та холбогдох хуулийн 5 дугаар зүйлийн 3-д заасны дагуу Д.Одбаярыг эгүүлэн таталгүй өөрөө оронд нь дарга болсон төдийгөөр хариуцлагаас бултууллаа.
Гэмтнийг хамгаалж суусны тань үр дагавар гарч Д.Одбаяр Монгол Улсын Үндсэн хуулийн цэцийн тухай хуулийн “цэц маргаан хянан шийдвэрлэхдээ хуралдааныг хуульд тусгайлан зааснаас бусад тохиолдолд илээр, шууд, тасралтгүй явуулах” гэсэн гол зарчмыг илтэд зөрчиж, цэцийн явагдсан хуралдааны шийдвэрт гарын үсэг зуралгүй дахин гэмт хэрэг үйлдлээ.
Өөрөөр хэлвэл, Үндсэн хуулийн цэцийн түүхэнд бага суудлын хуралдаанаа хаяад дунд суудлын хуралдаанаа шууд зарласан илт түрэмгий, улстөржсөн увайгүй үйлдэл анх удаа Таны үед гарлаа, үндсэн хуульт ёс Таны үед ганхлаа. Үндсэн хууль үлгэрлэн хамгаалах ёстой институт өөрөө Үндсэн хуулийг самууруулах нь тэвчимгүй. Иймд Танаас:
1. Цэцийн гишүүн Д.Одбаярыг эгүүлэн татах асуудлаар цэцийн шийдвэр нэн даруй гаргах 2. Цэцийг улстөржүүлсэн асуудлаар Монголын ард түмэнд хандаж олон нийтийн хэвлэл мэдээллийн хэрэгслээр уучлал гуйхыг тус тус шаардаж байна.
Эдгээр шаардлагыг биелүүлтэл хуульд заасан бүхий л хэлбэрээр эрс тэмцэхээ мэдэгдье.
УДИРДАХ ЗӨВЛӨЛ
.jpg)
Сэтгэгдэл10
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.