УИХ-ын гишүүн Г.Амартүвшин, Г.Дамдинням, Х.Ганхуяг болон нэр бүхий гишүүд Бизнесийн зээлийн хүүг 50 хувь бууруулах тогтоолын төслийг /2021.01.08/-нд УИХ-ын даргад өргөн барьсан хэдий ч ашиг сонирхлын зөрчилтэй гишүүд олны эсэргүүцэлтэй тулсан. Ичсэн хүн хүн ална гэгчээр энэ бүх увайгүй ашиг сонирлоо "Банкны тухай хууль"-д чихээд, чимээгүйхэн төслөө татсан тухай яригдаад өнгөрсөн.
УИХ-ын гишүүн Г.Дамдиннямын хувь эзэмшдэг “Вертекс майнинг партнерс” ХХК-ийн Гүйцэтгэх захирал нь Хассуурийн Хашчимэг буюу УИХ-ын гишүүн Х.Ганхуягын хамаарал бүхий этгээд. УИХ-ын гишүүн Г.Дамдинням, Х.Ганхуяг нарын ашиг сонирхол ”Хера” болон “Вертекс майнинг партнерс” дээр давхцдаг.
УИХ-ын гишүүн Г.Амартүвшин Хөгжлийн банкны захирлаар ажилласан богинохон хугацаандаа Г.Дамдиннямын “Вертекс майнинг партнерс” ХХК-д 34 тэрбум 566 сая төгрөгийн зээлийг сонгуулийн өмнөхөн гаргаж өгсөн явдал. Өөрөөр хэлбэл, УИХ-ын гишүүн Г.Амартүвшин, Х.Ганхуяг, Г.Дамдинням нарын эрх ашгийн хугарлын цэгийг “Вертекс майнинг партнерс” ХХК-д олгосон 34 тэрбум 566 сая төгрөгийн зээл гэж үзэж болно. Энд дарж үзнэ үү. Энэ талаар манай сайт дэлгэрэнгүй нийтэлж байсныг та бүхэн ЭНДЭЭС үзнэ үү.
Одоо дэлгэх баримт бол дээрх зээлийн барьцаанд тавьсан хөрөнгийн жагсаалт билээ. Бид бүхэн энэхүү баримтыг цаашид дэлгэрүүлэн судалж, үргэлжлүүлэн хүргэхийг хичээх болно.
Сэтгэгдэл6
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.