Өнөөдөр Монголын ардчиллын түүхэнд "Пикет" гэж нэрлэгдсэн 1990 оны 4 дүгээр сарын 27-ны цуглаан болсон түүхэн өдөр тохиож байна.
БНМАУ-ын АИХ-ын Тэргүүлэгчдэд
1. Ардын түр хурлыг нэн даруй байгуулах;
2. Ард түмний Онц зөвлөлийг улс төрийн хүчнүүдийн эрх тэгш оролцоотойгоор байгуулах;
3. МАХН-ын Төв Хорооны аппаратыг Засгийн газрын ордноос гаргаж, Монголын Ардчилсан Холбоо, Монголын Ардчилсан Намын ажиллах хэвийн нөхцөлийг хангаж нэн тэргүүнд байр олгох;
4. Дээрх шаардлагуудыг дөрөвдүгээр сарын 25-наас эхлэн бүрэн төгс биелүүлэх хүртэл согтууруулах ундаа худалдахыг орон даяар түр зогсоовол зохино.
- 1990 оны дөрөвдүгээр сарын 27: Засгийн газрын ордны өмнө хийсэн цуглаан. Засгийн газар ордноо цэргээр хамгаалуулав.
- 1990 оны дөрөвдүгээр сарын 28: МоАХ, АСХ, ШДХ, МОХ-д НАХЯ, БХЯ-ны нийт бүрэлдэхүүнд “ард түмнийхээ эсрэг зэвсэг хэрэглэхгүй байхыг” уриалав.
Эдүгээгээс 31 жилийн өмнөх хаврын "халуун өдрүүд"-д ч нийтийн хэв журам сахиулах нэрийн дор иргэдийн үзэл бодлоо илэрхийлэн жагсаж цуглах эрхийг хаан боогдуулж байжээ. Тэгвэл өнөөдөр дэлхий нийтийг хамарсан цар тахлын аюулаас сэргийлэх, хамгаалах цаг хугацаа нөхцөл боломжийг өөрсдийн эрх мэдлийг хамгаалах, хадгалах зэвсэг болгон ашиглаж иргэдийнхээ үг хэлэх, үзэл бодлоо илэрхийлэх бүхий л боломжийг хааж боосоор байгаа.
Өнөөдөр МоАХ-аас санаачлан орон даяар тайван замаар үг хэлж, үзэл бодлоо илэрхийлэн улстөрийн "ПИКЕТ" хийлээ.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.