С.Ганбаатар: Буу бариад тэмцэж чадах биш, дахиад 30 хоног дарангуйлагчгүй болтол өлсөнө
Би өнөөдөр их аз жаргалтай, баяр баясгалантай, урам зоригтой байна. МАН-ыг 63 суудалтай болгосон бол миний бие жаргалтай байх байсан байх. Гэвч өнөөдөр миний бие өлсөж байгаа ч сэтгэл санаа минь аз жаргалтай байна. Өнгө мөнгөнд болж өөр сонголт хийсэн бол сэтгэл минь аз жаргалгүй байх байв.
УИХ-ын гишүүнийг баяжаарай, жаргаарай гэж сонгодоггүй юмаа. Ард түмнээ жаргааж, сайхан амьдруулахын төлөө биеэ зовоогоорой гэж сонгодог юм шүү. Эрдэнэтчүүддээ, Монголын ард түмэндээ баярлаж байна. У.Хүрэлсүх гэж хүн хуулийг гууль болгож, УИХ-аар захиалгатай хууль батлуулж, ҮХЦ, УБЕГ, СЕХ, Дээд шүүх бүгдийг дээрэмдэж, дарангуйлж, үгүй болгоно гэдэг бол Монгол улс хуульгүй, төргүй болно гэсэн үг. Монгол улс хуульгүй, төргүй болсонд орвол С.Ганбаатар биеэ зовоогоод ч хамаагүй энэ дарангуйлагчийг зогсоохын төлөө ажиллана.
Би шударга үнэний төлөө явж байгаа. Эрх баригчидтай очиж нийлээгүй, ганцаардаад боорлуулаад үнэний төлөө зовж зүдэрч байгаа хүмүүстэй нийлж байна. Монголын ард түмэн үүнийг л хүсч байгаа. Энэ замар явахад асар их гүжир гүтгэлэг, доромжлол дундуур явж байгаа. Рио Тинтогоос авилга авсан Сү.Батболдоос У.Хүрэлсүх санхүүжилт авч маш олон сайт, хэвлэл мэдээллийг санхүүжүүлж, тэд нь намайг шүүрэн шанага шиг болтол гутаан доромжилж байгаа байхаа. Бурхан тэнгэр гэж бий, үйлийн үр гэж бий. Би өнөөдөр үнэний төлөө явж байна. Миний сэтгэл санаа аз жаргалтай байна. Би дахиад 30 хоног өлсөнө. Зургаадугаар сарын 9 гэхэд дарангуйлагчгүй болтол өлсөнө. Яагаад гэвэл бидэнд байгаа юм нь бидний энэ бие махбод. Би ямар буу бариад тэмцэж чадах биш. Монгол улс мандан бадарна.
.jpg)
Сэтгэгдэл3
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.