Өчигдрийн (2021.5.13) УИХ-ын Хууль зүйн байнгын хорооны хуралдаанаар "Гэмт хэрэг, зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл"-ийг хэлэлцсэн. Энэ үеэр УИХ-ын гишүүн Ж.Сүхбаатар Хууль зүйн сайдад хандан хэлсэн үгийг хүргэж байна.
УИХ-ын гишүүн Ж.Сүхбаатар: Ц.Нямдорж сайд чамайг харж байгаа шүү гэдэг байсан бол одоо Х.Нямбаатар чамайг харж байгаа шүү гэдэг болжээ
Камержуулах асуудлыг хэд хэдэн өнцгөөс харах ёстой. Нэгдүгээрт, гэмт хэрэг зөрчлөөс урьдчилан сэргийлэх арга хэрэгсэл, нөгөө талаас, хувь хүний эрхийг хамгаалах нь хамгийн чухал. Камержуулах нь нэгдүгээр асуудал биш, гэмт хэрэг зөрчлөөс урьдчилан сэргийлнэ гэдэг нь иргэдийн эрхийг хамгаалах гэж байгаа зорилт. Энэ зорилтоо биелүүлэх гэж байгаа нь энэ гээд иргэдийнхээ эрхийг зөрчиж болохгүй. Иргэдийн эрхийг зөрчихгүй гэсэн баталгаагаа хуулиндаа суулгаж чадаагүй бол камержуулна гэж зүтгээд хэрэггүй. Энэ бол хууль зүй, хүний эрхийн зарчим, шаардлага.
Х.Нямбаатар сайд аа! Бичлэгийг цагдаа нар өөрсдөө задлаад байгаа биз дээ. Эсвэл цагдаагийн байгууллага СӨХ-оос хулгай хийгээд байгаа бол хулгай хийж, бичлэг задлаад байгаа хүмүүстээ арга хэмжээ авсан уу? Авах ёстой. Аваагүй бол цагдаагийн байгууллага бичлэг задалсан СӨХ-д арга хэмжээ авсан уу?
Энгэрийн бичлэгээр их далайлгадаг болсон. Би энгэрийн бичлэгт хэд хэд өртсөн. Зүв зүгээр байхад л "та нарыг үзэн ядаж байна" гээд бувтнаад бичлэгээ хийгээд байдаг. Хууль зөрчсөн бол би хариуцлага хүлээх ёстой. Тэр нөхөр хууль зөрчсөн бол хариуцлагаа ч мөн хүлээх ёстой. Цагдаажсан төр байгуулах гээгүй. Та бол цагдаагийн сайд биш. Цагдаагийн байгууллагын үйл ажиллагаа өмнөхөөсөө дордсон шүү. Харилцаа хандлага. Ж.Болд гэж хүн ямар ажил хийдэг хүн бэ? Өнөөдрийг хүртэл Хууль зүйн байнгын хороо энэ хүний ажлыг үнэлж дүгнээгүй байгаа. Цагдаагийн байгууллагын үйл ажиллагаа хэрвээ энэ хэвээр байх юм бол Хууль зүйн сайд та цагдаагийн байгууллагыг дордуулсныхаа хариуцлагыг үүрэх болно шүү.
Ковидын үеэр цагдаагийн байгууллагын ажилласан байдлыг бүгдийг шалгах ёстой. Би энэ ажлын хэсгийг ахлах саналаа Хууль зүйн байнгын хороонд оруулж байна. Цагдаа гэдэг бол хүний эрхийг хамгаалах байгууллага болохоос цагдаажсан төр байгуулах ёсгүй. Хүний эрхийг хамгаалж чадахгүй бол одоо болих хэрэгтэй. Нийгмийн дэг журмыг хангана гэсэн нэрийдлээр хүний эрхэнд халдах ажлыг явуулах гэж байгаа бол камержуулалтаа боль. Камержуулна гэдэг чинь зорилго биш шүү. Камержуулна гэдэг үгийг цээжилсэн аятай тоть шиг давтаж байна. Хүний эрхийг хамгаалах баталгаагаа гаргаж байж наад ажлаа хий. Чадахгүй байж 60000 камертай болно гэдэг хэрэггүй зүйл шүү.
Хувь хүмүүс чамайг би харж байгаа шүү гэсэн айдастай, 1984, Айн Рендийн зохиолууд шиг, том ах чамайг харж байгаа шүү гэдэг шиг. Ц.Нямдорж сайд чамайг харж байгаа шүү гэдэг байсан бол одоо Х.Нямбаатар чамайг харж байгаа шүү гэдэг болжээ.
.jpg)
Сэтгэгдэл26
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.