Н.Энхбаяр Хэнтийн нөхөн сонгуулиар УИХ-ын гишүүн болно
Монгол Улсын Ерөнхийлөгч Х.Баттулга дөрөвдүгээр сарын 19-ний өдөр Монгол ардын намыг тараах тухай захирамж гаргаснаа танилцуулсны дараа МАХН-ын дарга Н.Энхбаяр: МАН-ын дарга "Бүх цэргийн холбоо"-ны дарга болчихсон. Аймгийн МАН-ын дарга буюу Засаг дарга нар нь тухайн аймгийнхаа Цэргийн холбооны дарга болсон. МАН цэрэгжсэн бүтэц рүү шилжчихсэн. Энэ бол үндсэн хууль болон улстөрийн намын тухай хуулиараа хориотой." хэмээн мэдэгдэв.
Н.Энхбаяр "МАН цэрэгжсэн бүтэц рүү шилжчихсэн" гэж хэлээд өнөөдөр яг нэг сар болж байна. Энэ хооронд ердөө 7 хоногийн дараа буюу дөрөвдүгээр сарын 27-нд МАХН Ерөнхийлөгчийн сонгуульд МАН-аас нэр дэвшигчийг дэмжиж ажиллахаа мэдэгдэн, парламентад суудалтай намын хувиар Ерөнхийлөгчийн сонгуульд өрсөлдөх эрхээсээ сайн дураар татгалзсан. Ингэж мэдэгдэхдээ Н.Энхбаяр Оюутолгойн гэрээг өөрчлөх хялбар зам байсаар байтал хэцүү замыг нь сонгоод яахав дээ гэсэн тайлбар тавьсан. Ердөө гуравхан хоногийн өмнө МАХН-ын ээлжит бус их чуулганыг хуралдуулж, МАН-тай нэгдэх асуудлыг хэлэлцсэн. Энэ үеэр МАН-ын дарга У.Хүрэлсүхэд 100 жилийн ойн медаль гардуулж өгөв.
Н.Энхбаярыг ингэтэл нь байр суурийг нь ганхуулж, тарах ёстой гэж үзэж байсан намтайгаа эвлэлдэн нэгдэх хүртлээ үзэл бодол нь өөрчлөгдсөний цаад шалтгааныг олон нийт эрх мэдэл, албан тушаалын тохироо байсан гэж үзсээр байна. МАХН хэд хэдэн сайд, агентлагаар тохиролцлоо, мөн Сонгинохойрхан дүүргийн 28-р тойргийн нөхөн сонгуульд Э.Батшугарыг зүтгүүлэх боллоо гэж хардаж байсан.
Тэгвэл үнэн хэрэгтээ хоёр нам нэгдэж орсон сонгуулиасаа эхлэн, сонгуулийн үр дүнгээс хамаарч албан тушаалаа хуваах ба, Н.Энхбаяр Хэнтийн нөхөн сонгуулиар УИХ-ын гишүүн болно гэсэн тохироо, тохиргоо хийгдсэн ажээ.
Ах дүү хоёрын нэгдэл хаана хүрч задрал болох бол? Баас хатавч өмхийгөө тавихгүй.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.