УИХ-ын гишүүн Х.Болорчулууны талаар "УИХ-ын гишүүний бүрэн эрхийг нь түдгэлзүүлж, хүнд гэмт хэрэгт холбогдуулан шалгах боллоо" гэсэн мэдээллийг өнгөрсөн хугацаанд хэвлэл мэдээллийн хэрэгслээр дамжуулан, олон нийтийн цахим сүлжээнд эрчимтэй явуулж ирсэн. УИХ-ын гишүүн Х.Болорчулуун энэхүү мэдээллийг үгүйсгэж няцаалт өгсөн тайлбарыг тухайн үед хийж байв. Тэгвэл өнөөдөр ЦЕГ-аас ирүүлсэн лавлагааг өөрийн цахим хуудастаа нийтэлснийг хүргэж байна.
Х.Болорчулуун: Өнгөрсөн сарын турш намайг хүнд хэрэгт холбогдсон тул гишүүнээс нь эгүүлэн татна, тойрогт нь нөхөн сонгууль явуулна гэж зохион байгуулалттай, гүтгэлгийн шинж чанартай мэдээ, мэдээлэл сошиал орчинд тарааж байлаа. Тийм явдалд орооцолдуулах, тохохыг хүсэгч этгээдүүд байдаг бололтой.
Миний бие УИХ-ын гишүүнээр нутгийн олон түмний итгэлийг хүлээн сонгогдсон хугацаандаа харилцан ашигтай, хариуцлагатай уул уурхайг хөгжүүлэх, байгаль орчноо хамгаалах, баялгийн шударга бус хуваарилалтын эсрэг үгээ хэлж, үйл ажлаа гол зорилго чиглэл болгон ажиллаж ирсэн. Энэ нь зарим этгээдүүдийн эрх ашигтай зөрчилдөн, дургүйцэл хорслыг төрүүлж байдаг болов уу! Ямар ч гүтгэлэг доромжлол, шантааж нь хүний тогтсон үзэл бодлыг өөрчлөх боломжгүй юм.
Гүтгэлэг тараасан болон нотолгоогүй хуурамч мэдээллийг олон нийтийн сүлжээнд санаатайгаар дэвэргэн тараасан этгээдүүдийг тогтоолгон, хуулийн хариуцлага хүлээлгэх болно.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.