Засгийн газар 2021 оны хоёрдугаар сарын 17-ны өдөр бүх шатны төсвийн захирагч нар хэмнэлтийн горимд ажиллах буюу Төсвийн хэмнэлтийн талаар авах арга хэмжээний тухай Засгийн газрын 43-р тогтоолыг баталж, хэрэгжүүлж эхэлсэн.
Тус тогтоолд эрүүл мэнд, онцгой байдал, мэргэжлийн хяналт, гааль болон төрийн тусгай чиг үүргийн байгууллагаас бусад улс, орон нутгийн төсвийн бүх шатны байгууллагын төсөв захирагч, төрийн болон орон нутгийн өмчит тэдгээрийн оролцоотой аж ахуйн нэгж байгууллагын дарга, захирал, эрхлэгч нар 43-р тогтоолыг хэрэгжүүлж ажиллах үүрэгтэй. Дарга нар шинэ машин худалдаж авахгүй, контор, өрөөгөө засварлахгүй, шинэ тавилга худалдан авахгүй, ой тэмдэглэхгүй, соёл урлаг, СПОРТЫН арга хэмжээ, найр наадам төсвийн мөнгөөр зохион байгуулахгүй байхыг үүрэгдсэн.
Гэтэл бодит байдал дээр хэмнэлтийн горимд ажиллах Засгийн газрын тогтоолыг төсвийн захирагч нар хэрэгжүүлэхгүй байна.
Тухайлбал ДЦС-4 ТӨХК-ны гүйцэтгэх захирал Ү.Төмөрхуяг нь Засгийн газрын тогтоол зөрчиж 24.500.000 мянган төгрөгийг спортын арга хэмжээнд зарцуулсан нь шилэн дансанд хийсэн шалгалтаар илэрчээ.
Төсвийн орлого бүрдэлт төдийлөн сайн биш байгаа. Гэтэл бүх шатны төсвийн захирагч нар төсвийн хэмнэлтийн бодлогыг ажил, үйл ажиллагаандаа хэрэгжүүлэхгүй, төсвийн мөнгийг үр ашиггүй зарцуулж байгаа байдал хэвээр байна. Уг тогтоолын хэрэгжилтэд хяналт тавих үүрэг хүлээсэн Сангийн сайд Б.Жавхлан, Засгийн газрын Хэрэг эрхлэх газрын дарга Ц.Нямдорж нар ажлаа хийнэ үү!
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.