УИХ-ын Ёс зүй, сахилга хариуцлагын байнгын хорооны дарга Б.Бат-Эрдэнэ УИХ-ын гишүүдийн дөрөвдүгээр сарын ирцийн талаар мэдээлэл өглөө.
Тэрбээр "Шинээр батлагдсан УИХ-ын гишүүний ёс зүйн дүрэм гуравдугаар сарын 14-ний өдрөөс мөрдөгдөж байгаа. Энэхүү дүрмийн 17.3-т хүндэтгэн үзэх шалтгаангүйгээр чуулган, байнгын, дэд, түр хорооны бүтэн жилийн хуралдаанд хоцорсон, тасалсан цаг нь ажлын таван өдрийн буюу 40 цагаас дээш гарсан бол Ёс зүй сахилга хариуцлагын байнгын хорооны хуралдаанаар оруулж хэлэлцүүлэхээр заасан. Сануулах, олон нийтээс уучлалт гуйхыг үүрэг болгох зэргээр хариуцлага тооцно.
Хуралдааныг тасалсан, хоцорсон гишүүдэд анхааруулга, огт таслаагүй хоцроогүй гишүүдэд талархал хүргүүлээд байна. 2022 оны хаврын ээлжит чуулганы гурав, дөрөвдүгээр сарын гишүүдийн ирцийн мэдээг олон нийтэд танилцуулж байна.
Гуравдугаар сард УИХ-ын чуулган долоон удаа хуралдахад 18 гишүүн тасалсан байна. Харин найман гишүүн хуралдаанаас хоцорч, 62 гишүүн огт таслаагүй.
УИХ-ын хаврын чуулганы нэгдсэн хуралдааныг тасалж, хоцорсон гишүүд:
Дөрөвдүгээр сард чуулган 12 удаа хуралдахад 20 гишүүн тасалж, 57 нь хоцорч, 56 гишүүн огт таслаагүй байгаа юм. 16 гишүүн огт тасалж, хоцроогүй байна.
Харин огт хоцроогүй гишүүдийн хувьд:
Хаврын чуулганы гурав, дөрөвдүгээр сарын гишүүдийн ирцийн мэдээллийг намрын чуулганы 10, 11 дүгээр сарынхтай харьцуулахад таслалт, хоцролт нэмэгдэх хандлагатай байгаа. Энэ асуудлыг УИХ дахь намын бүлгүүдэд хүргүүлж, бүлгийн хурал дээр тусгайлан мэдээлэл хийсэн" гэлээ.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.