Ардчилсан Намын Ерөнхий нарийн бичгийн дарга Ч.Өнөрбаяр "УИХ-д төрийн өмчит компанийн талаарх асуудал яригдаж байгаа. Төрийн өмчит компаниуд аль хэдийн дотроосоо ялзраад, өтчихсөн байсан. Төрийн өмчит компаниуд шиг захирлууд нь хамгийн өндөр цалин авч, том машин унаж давхидаг хэрнээ ашиггүй ажилладаг, бизнесүүдийн өмнө орж, хувийн хэвшлүүдийн ажлыг булаадаг юм бахгүй. Хүнд суртал авлигал гээд бүхий л болохгүй зүйл энд явж байдаг.
Төр бол хувийн хэвшлийн ашигтай бизнесийг булаах гэж ордоггүй. Хувийн хэвшил хийвэл алдагдалтай болох гээд, хийхгүй болохоор иргэдийн эрх ашиг хөндөгдөх гээд байгаа бизнес руу төр орж ирдэг.
Бид хууль гаргахдаа цаад үндсийг нь харахгүйгээр дандаа ангилдаг ба төрийн болон орон нутгийн өмч гэж өмчийг ангилж чадсан. Өнөөдрийг хүртэл Монгол Улсад Төрийн өмчийн удирдлагын хууль гэж байсангүй. Монгол Улс өмчөө зах зээлийн зөв зарчмаар удирдаж, менежмент хийх бие даасан Төрийн өмчийн удирдлагын хуультай болох ёстой. Төрийн өмчит компаниудиас ашиггүй ажилладгийг нь хувьчлаад, стратегийн компаниудыг нь авч үлдэх ёстой. Харин менежмент дээр нь дарга сайд байж болохгүй. Х.Нямбаатар сайдын оруулж ирсэн хуулийг УИХ дээр илүү цогцоор нь ярих ёстой гэдгийг хэлмээр байна. Мөн бусад сайд нар чинь ажлаа хийх чадваргүй юм бол чөлөөлөөд явуул Л.Оюун-Эрдэнэ сайд аа" гэв.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.