УИХ дахь МАН-ын бүлгийн өнөөдрийн /2022.07.04/ хуралдаанаар үнийн өсөлттэй холбоотой асуудлаар мэдээлэл сонсож, холбогдох газруудад чиглэл өглөө.
Тодруулбал,
“Энэ удаагийн бүлгийн хуралдаанаар үнийн өсөлтийн талаар УУХҮ-ийн сайд Г.Ёндон хүнсний гол нэрийн бараа бүтээгдэхүүний үнийн өөрчлөлтийн талаар ХХААХҮ-ийн сайд З.Мэндсайхан нарын мэдээллийг сонсов. Мэдээлэлтэй холбогдуулан бүлгээс дөрвөн чиглэлийг холбогдох сайд, дарга нарт өглөө.
Үүнд:
Бүтээгдэхүүний хангамжийг тасалдуулахгүй үнийг тогтвортойгоор барих, ялангуяа нефтийн бүтээгдэхүүний хангамжид анхаарах шаардлагатай. Засгийн газраас өгч байгаа мэдээллээр энэ жилдээ нефтийн хангамж тасалдуулахгүй гэж мэдэгдсэн.
АИ-92 шатахууны үнийг цаашид барих талаар анхаарах шаардлагатай гэж үзлээ. Засгийн газраас дизель түлшний үнийг тогтвортой барьж чадахгүй талаар хоёрдугаар сард мэдэгдсэн. Иргэд, хэрэглэгчдийн 70 орчим хувь нь АИ-92 шатахуун хэрэглэдэг. Тиймээс үнийг нь тогтвортой барих талаар онцгойлон анхаарах шаардлагатай.
Хүнсний бүтээгдэхүүний хангамж тэр дундаа хил гааль, ложистикийн асуудалд онцгойлон анхаарах шаардлагатай гэж үзлээ.
Барилгын материалын үнэ, тэр дундаа цементийн үнийг тогтвортой барих талаар анхаарах нь зүйтэй гэж бүлгийн гишүүд үзлээ" гэв.
.jpg)
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.