Монгол Улсын Ерөнхийлөгч У.Хүрэлсүхийн урилгаар манай улсад албан ёсны айлчлал хийхээр өчигдөр хүрэлцэн ирсэн НҮБ-ын Ерөнхий нарийн бичгийн дарга Антонио Гуттерешийг хүндэтгэн, албан ёсоор угтах ёслол өнөөдөр Сүхбаатарын талбайд боллоо.
Ноён Антонио Гуттерешийг Монгол Улсын Ерөнхийлөгч У.Хүрэлсүх хүндэт харуулын хамт угтан авав.
Ерөнхийлөгч У.Хүрэлсүх хүндэт зочны хамт угтах ёслолд оролцож буй албаны хүмүүс, Монгол Улсад суугаа Элчин сайд нар, олон улсын байгууллагын төлөөлөгчидтэй мэндчилж, Их эзэн Чингис хааны хөшөөнд хүндэтгэл илэрхийллээ.
Мөн НҮБ-ын Ерөнхий нарийн бичгийн дарга Антонио Гуттереш Төрийн ордны Хүндэт зочны дэвтэрт гарын үсэг зурав.
НҮБ-ын Ерөнхий нарийн бичгийн дарга Антонио Гутерреш Монгол Улсын Ерөнхийлөгч Ухнаагийн Хүрэлсүх нар одоо уулзаж байна. Мөн тэд хамтдаа Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний хүрээнд мод тарих үйл ажиллагаанд өнөөдөр оролцох юм.
Монцамэ
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.