Иргэд Цагаан сараас өмнө “Тавантолгой” компанийн хувьцааны ногдол ашиг тараахыг шаардаж, хэвлэлийн хурал хийж, суулт зарлаад удаж байгаа.
Тэгвэл иргэдийн шаардлагыг биелүүлж Цагаан сараас өмнө иргэдэд "Тавантолгой" компанийн 1072 ширхэг хувьцааны ногдол ашиг тараах боломжтой эсэх талаар тус компанид Засгийн газраас томилсон Бүрэн эрхт төлөөлөгч Ж.Ганбат тайлбар хийлээ.
Тэрээр “Эрдэнэс Тавантолгой компаниас ногдол ашиг тараах боломжгүй байна. Компани ирэх дөрөвдүгээр сард 400, наймдугаар сард 100 гээд нийт 500 тэрбумын бондын өрийг төлөх ёстой. Үүнийг бид хугацаанд нь төлөх үүрэгтэй. Мөн “Эрдэнэс Тавантолгой” компани ковидын үед мөнгийг нь аваад дараа нүүрс нийлүүлэх гэрээтэй 400-603 сая ам.долларын өр байна. Мөн компанийн үр ашгийг нэмэгдүүлэх зорилготой угаах үйлдвэрийн төсөл, ус, төмөр замын төслүүдийг санхүүжүүлэх шаардлагатай 1.7 их наяд төгрөгийг бид энэ онд санхүүжүүлэх ёстой. Тиймээс бид иргэдэд ногдол ашиг тараах боломжгүй нөхцөл байдалтай байна. Компанийн үр ашгийг сайжруулсны дараа ногдол ашиг тараах асуудлыг ярьж болно” гэсэн юм.
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.