Засгийн газраас авлига, албан тушаалын гэмт хэрэгтэй тэмцэх "таван Ш" ажиллагаа явуулахаар болсон билээ. Түүнийг нэг болох "Шувуу" ажиллагаа энэ долоо хоногоос эхэлж буй юм.
Өнгөрсөн долоо хоногт Төрийн ордонд болсон Шилэн нам хэлэлцүүлгийн үеэр Ерөнхий сайд Л.Оюун-Эрдэнэ "Шувуу ажиллагааны хүрээнд хууль хяналтын байгууллагад шалгагдаж байх явцдаа хилийн чанадад оргон зайлсан этгээдүүдийн нэрсийг зарлаж, иргэний гадаад паспортын үйлчлэх хугацааг цуцалж, хүчингүй болгох асуудлыг ирэх долоо хоногийн Засгийн газрын хуралдаанаар хэлэлцэнэ. Шаардлагатай тохиолдолд энэ асуудлыг УИХ-д оруулна" гэж мэдэгдсэн юм.
Түүнчлэн Хууль зүй, дотоод хэргийн сайд Х.Нямбаатар "Шувуу" ажиллагааг хэрэгжүүлэхийн тулд авлигын эсрэг конвенцид нэгдсэн гишүүд орнуудаараа дамжуулан, нэр бүхий хүмүүсийг шилжүүлэн төлөвлөгөөтэй ажиллаж байна гэдгийг өмнө нь тодотгож байсан.
Тэгвэл АНУ-д "нуугдаж" буй гэгдэх "Тавантолгойн төмөр зам" компанийн гүйцэтгэх захирал Н.Удаанжаргал, Ерөнхий сайд асан Ч.Сайханбилэг, Хүнс хөдөө аж ахуй хөнгөн үйлдвэрийн сайд асан Т.Бадамжунай нарыг "Шувуу" ажиллагааны жагсаалтад багтана мэдээлэл цацагдаад буй.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.