Засгийн газрын хуралдааны шийдвэрийг танилцуулах үеэр ЗГХЭГ-ын дарга Г.Амарбаясгалангаас хүүхдийн мөнгөнөөс хасагдсан хүүхдүүдийн асуудлаар сэтгүүлчид асуулт асуухад:
"Хүүхдийн мөнгөний тухайд ажлын хэсэг ажлаа хийгээд явж байна. Иргэдээс ирсэн санал хүсэлт, гомдлын дагуу анхан шатны нэгж дээр мэдээллийг засаж сайжруулах ажлыг эрчимтэй хийж байна. Албан байгууллагуудад байсан мэдээллийн зөрүү арилж байна. Тодорхой хэмжээний цаг хугацаа авна.
Сэтгүүлч "Жишээ нь, нэг иргэн нэгдүгээр сард хүүхдийн мөнгөө авч байсан бол хоёр, гуравдугаар сард хасагдчихсан. Шалтгаан нь ажил хийдэг болсонтой холбоотой гэнэ. Энэ мэт олон иргэн байгаа юм байна" гэхэд:
"Бидэнд ирсэн 3500 орчим хүүхдийн мэдээлэл байна. Жишээ нь, нэгдүгээр сардаа мөнгө аваад, хоёр, гуравдугаар сардаа авч чадаагүй гэх мэдээлэл байна.
Иргэд анхан шатны байгууллагуудад очиж өөрсдийн үл хөдлөх болон бусад төрлийн мэдээллийг өөрчилж шинэчлэх ажилд идэвхтэй оролцох ёстой. Энэ ажил идэвхтэй явж байгааг УБЕГ, хөдөлмөр халамж үйлчилгээний газар, анхан шатны нэгжээс мэдээлэл ирж байна. Хүндрэл үүсгэхгүйгээр мэдээллийг шинэчлэх ажлыг холбогдох яам тамгын газрууд ажиллаж байна. Яам дур мэдэн хүүхдийг мэдээллээс хасах боломж байхгүй" гэлээ.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.