Д.Тогтохсүрэн: Гишүүдийн 50 хувийг тойргоос, 50 хувийг намын жагсаалтаар сонгох төсөл боловсруулсан

УИХ дахь МАН-ын бүлэг ээлжит хуралаараа УИХ-ын сонгуулийн тухай хуульд нэмэлт, өөрчлөлт оруулах тухай хуулийн төслийг хэлэлцжээ. Тус бүлгийн дарга Д.Тогтохсүрэн "УИХ-ын даргын захирамжаар байгуулагдсан УИХ-ын сонгуулийн тухай хууль нэмэлт, өөрчлөлт оруулах ажлын хэсэг ажиллаж байгаа. Ажлын хэсэгт парламентад суудалтай гурван намын төлөөлөл орсон. Ажлын хэсэг төслөө боловсруулсан. Үндсэн хуульд зааснаар бид зургаадугаар сарын 20-ноос өмнө хуулиа батлах ёстой. Лхагва гаригт Засгийн газраас саналыг нь аваад, ирэх долоо хоногт УИХ-ын сонгуулийн тухай хуулийг хлэлцүүлэхээр төлөвлөж байна. Хуулийн төсөлд тусгасан таван чухал асуудлыг хэлье.

1. Сонгуулийг 38:38 гэсэн холимог тогтолцоогоор явуулна. Гишүүдийн 50 хувь нь тойргоос, 50 хувь нь намын жагсаалтаар сонгогдоно гэсэн үг.
2. Сонгуулийн зардлыг бууруулах хэд хэдэн заалт оруулсан. 
3. Гадаадад байгаа сонгогчдын саналыг авна. 
4. Намуудын УИХ-д суудал авах босго оноо гурван хувь байна. 2012 онд таван хувь байсныг бууруулж гурав болголоо.
5. Эмэгтэйчүүдийн квотыг 30-аас доошгүй хувь байлгаа. Өмнөх хуулиар 20 хувь байсан." гэлээ.