Өчигдөр Засгийн газрын ээлжит хуралдаан болж, Хөгжлийн банкны захирал асан Н.Мандуулыг ШӨХТГ-ын даргаар томилов.
ЗГХЭГ-ын дарга Д.Амарбаясгалан энэ томилгооны талаар дараах тайлбарыг өгсөн юм.
-ШӨХТГ-ын чиг үүрэгт тодотгол хийж, монополын хяналт, өрсөлдөөний зохицуулалт чиглэл рүү нь ажиллуулна. Зах зээлийн эдийн засгийн зохицуулалтын хамгийн чухал арга хэрэгсэл болдог өрсөлдөөнийг зохицуулах, шударга өрсөлдөөнийг дэмжих, шударга бус өрсөлдөөнөөс зах зээлд оролцогчдыг хамгаалах зорилго бүхий бие даасан эрх зүйн институт болгож бэхжүүлнэ.
Н.Мандуул өмнө нь Сангийн яаманд ажилласан туршлагатай. Зарим бизнес эрхлэгч түүнийг томилсныг дэмжин, эдийн засгийн суурьтай хүн ШӨХТГ-ыг удирдах нь зөв гэж үзэж байна. Засгийн газар нэгдүгээр сард Цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хууль хүчинтэй байх хугацаа дуусгавар болсонтой холбогдуулан ШӨХТГ-ын дарга С.Мөнхчулууныг албан тушаалаас чөлөөлсөн юм.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.