УИХ дахь МАН-ын бүлэг өнөөдөр /2023.05.30/ ээлжит хуралдаанаа хийж байна. Хуралдаанаар хүүхэд бүрт хүүхдийн мөнгийг олгох саналыг хэлэлцэж, гишүүдийн олонх дэмжжээ. Улмаар маргаашийн /2023.05.31/ Засгийн газрын ээлжит хуралдаанаар оруулж, батлуулахаар болсон байна.
Ингэснээр хүүхдийн мөнгийг бүх хүүхдэд буюу 10 хувьд олгохоор болж байгаа талаар эх сурвалж мэдээллээ. Түүнчлэн бүлгийн хуралдаанаар Үндсэн хуулийн нэмэлт өөрчлөлтийн төслийг хэлэлцэж байгаа юм. Учир нь, энэ долоо хоногийн чуулганы нэгдсэн хуралдаанаар Үндсэн хуулийн нэмэлт өөрчлөлтийн төслийн гурав дахь хэлэлцүүлгийг хийх билээ.
Одоогоор УИХ дахь МАН-ын бүлэг хуралдааныхаа дараа мэдээлэл хийх эсэх нь тодорхойгүй байна. Энэ талаар эргэн мэдээлэх болно.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.