Гадаадаас авах ажиллах хүчний зарим хязгаарлалтыг цуцлах талаар ЗГХЭГ-ын дарга мэдээлэл өглөө.
Манай улс жилд гадаадаас 12,000 ажиллах хүчнийг авдаг байна. Эдгээрийг салбараар нь төрөлжүүлдэг аж. Энэ нь цөөн тооны бизнес эрхлэгчид давуу байдлаар олгогддог учраас таслан зогсоох гэнэ.
Д.Амарбаясгалан "Хувийн байгууллагад ажиллах хүчний хомсдолтой гэж үзэж байгаа. Саяхан болсон менежмент форумд оролцсон топ 250 бизнес эрхлэгч хөдөлмөрлөх хүчний дутагдлыг нөхөх бодлогыг яаралтай хэрэгжүүлэх саналыг Засгийн газарт илэрхийлсэн.
Түүнчлэн МҮХАҮТ-ын удирдлагууд Засгийн газарт ирүүлсэн санал хүсэлтдээ ажиллах хүчний хомсдолыг арилгахад анхаарал хандуулж өгөх шаардлагыг тавьж байгаа. Уг хүсэлтэд гадаадаас авах ажиллах хүчинд тавигдах хязгаарлалт, квотыг чөлөөлж өгөхөд анхаарахыг дурдсан.
Үндэсний аюулгүй байдалд нөлөөлөл үзүүлэхгүй хэмжээнд аялал жуулчлал, үйлчилгээний салбарын ажиллах хүчнийг ирэх нөхцөлийг чөлөөтэй болгох ажлыг зохион байгуулна.
Зөвшөөрлийн хуулийн дагуу гадаадаас авах ажиллах хүчинд хязгаарлалт тавьж буй зарим зөвшөөрлийн хэрэгжилтийг хойшлуулах, цуцлах чиглэлээр ажиллана" гэв.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.