S&Royal Group Mongolia-ийн Ерөнхийлөгч Долгорсүрэнгийн Сэржбүдээ Дубайн алт, түүхий эдийн биржтэй MOU зурлаа
SEATTLE (Scrap Monster), 2021.5.18: Дубайн алт, түүхий эдийн бирж (DGCX) S&Royal Group Mongolia-тай стратегийн харилцан ойлголцлын санамж бичигт гарын үсэг зурсанаа зарлав. Монгол Улсад төвтэй хөрөнгө оруулалтын компанитай байгуулсан санамж бичиг нь урт хугацааны бизнесийн боломж, мэдээлэл солилцоог судлах зорилготой.
Энэхүү ойлголцлын хүрээнд S&Royal Group нь DGCX-ийн байнгын гишүүн болох, түүнчлэн Дубайн олон төрлийн бараа бүтээгдэхүүний төв (DMCC) болох боломжийг судлах болно. Талууд Арабын Нэгдсэн Эмират улс болон Монгол Улсын хооронд бараа импортлох, экспортлох боломжийг судлахаас гадна шинжээчдийн мэдлэг, санал бодол, санаа бодлоо солилцох болно.
Стратегийн хэлэлцээрийн талаар DGCX компанийн гүйцэтгэх захирал Лес Мале тайлбарлахдаа, Монгол бол байгалийн баялаг ихтэй, ашиг орлого олох боломжтой газар нутаг юм. S&Royal Group Mongolia-тай байгуулсан санамж бичиг нь биржийн хил дамнасан хамтын ажиллагааг сурталчлах, мэдлэгийн баазаа нэмэгдүүлэх зорилготой нийцэж байгаа юм. Санамж бичиг нь урт удаан, үр ашигтай харилцааны эхний алхам юм гэж тэр нэмж хэлэв.
Энэ үеэр S&Royal Group Mongolia-ийн Ерөнхийлөгч Долгорсүрэнгийн Сэржбүдээ DGCX-тэй түншлэх болсондоо баяртай байгаагаа тэмдэглэв. Энэ нь Монголын зах зээлийн гарц болохоос гадна Төв Азийн бүс нутгийн томоохон зангилаа улс болоход дэмжлэг үзүүлэх зорилготой юм гэж тэр нэмж хэлэв.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.