Оюуны өмчийн газар, Увсын чацаргана газар зүйн заалтын нийгэмлэг, Франц Улсын ЭСЯ-ны дэмжлэгтэйгээр Увсын чацаргана газар зүйн заалтыг Европын Холбоонд бүртгүүлэх ажлыг 2016 оноос эхлүүлжээ. Увс аймгийн чацаргана үйлдвэрлэгчдийн холбооны нэр дээр уг газар зүйн заалтыг Европын Холбоонд бүртгүүлэх ажлыг 2019 оны 11 дүгээр сараас МҮХАҮТ болон Германы Худалдаа Аж Үйлдвэрийн Танхимуудын Холбоотой хамтарсан Увс аймагт чацаргана тариалагчдын нэмүү өртгийн сүлжээ бий болгох төслийг түшиглэн, үргэлжлүүлсэн юм.
Увсын чацарганын лабораторийн шинжилгээ, баримт бичигт засвар өөрчлөлтийг хийх зэргээр ажиллаж, 2022 оны 1 дүгээр сард Увсын чацаргана газар зүйн заалт Европын Холбоонд албан ёсоор бүртгэгдлээ.
Ингэснээр Европын Холбооны гишүүн орнуудад “Увсын чацаргана” газар зүйн заалт хамгаалагдаж, хуурамч бүтээгдэхүүн борлуулагдахаас сэргийлэх, түүнийг зогсоох зэрэг ач холбогдолтой. Мөн орон нутгийн чацаргана тариалагч, үйлдвэрлэгчдийн орлого нэмэгдэх, тогтвортой бизнес эрхлэлтийг дэмжих, байгаль орчин, цаг уураас шалтгаалсан онцлог амт, чанарыг хадгалах, цаашлаад аялал жуулчлалын шинэ суваг бий болох, хэрэглэгч худалдан авагчид чанартай, стандартад нийцсэн бүтээгдэхүүн авч хэрэглэх зэрэг давуу талууд үүсэх юм.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.