09 сарын 26, Даваа

Банкууд ипотекийн зээлийн хүсэлт авахгүй байна

Банк санхүү
1 сарын өмнө
Банкууд ипотекийн зээлийн хүсэлт авахгүй байна

Өнгөрсөн сарын байдлаар 3841 иргэнд 337.8 тэрбум төгрөгийн ипотекийн зээл олгосон гэж Төвбанк мэдээлсэн. Харин бодит байдал дээр арилжааны банкууд зээл олголтыг удаашруулж, зарим нь огт хүсэлт авахгүй байгаа талаар иргэд ярьж байна. Иймээс банкууд дотоод зохицуулалт хийж, иргэдийн хүсэлтийг түр хугацаанд авахгүй байх шийдвэр гаргасан болохоо тайлбарлалаа. Үүнийг Монголбанкны Бүтцийн өөрчлөлт, бодлогын газрын захирал Н.Ариунбат няцааж “Төвбанкны зүгээс ипотекийн зээлийн санхүүжилтийг хэвийн олгож байгаа. Арилжааны банкууд яагаад танаад байна вэ гэхээр мөнгөний бодлогын хүүтэй холбоотой. Бодлогын хүү өссөн нь өөрөө нэг ёсондоо сайн ч юм шиг, муу ч юм шиг олон талтай санхүүгийн үзэгдэл. Тухайлбал, арилжааны банкууд зээлээ багасгаж, Төвбанкны үнэт цаас авахаар зах зээл дээрх мөнгөний урсгал хумигдана. Инфляц 16 хувьтай байна. Мөнгөний бодлогын хүү өсөж, 10 хувь болсон. Цаашид хэрхэх нь III улиралд хэлэлцэж, шийдэгдэх асуудал” гэж ярьсан юм. Наймдугаар сар гарснаас хойш зээл олголт ямар байгааг тодруулахаар арилжааны зарим банктай холбогдоход дараах мэдээллийг өглөө.

Хаан банк: Зээлийн хүсэлт хэвийн авч байна. Салбарын ачааллаас хамаарч харилцан адилгүй олгож байгаа.

ХХБ: Зээлийн санхүүжилт зогссон. Гэхдээ иргэдийн хүсэлтийг авч байгаа ч хэзээнээс олгож эхлэх нь тодорхойгүй байна.

Хас банк: Санхүүжилт зогссон учраас зээл олгохгүй байгаа. Санхүүжилт орж ирсний дараа зээл олгож эхэлнэ.

Төрийн банк: Энэ сарыг дуустал ямар ч зээлийн хүсэлт авахгүй. Хүсэлт авах эсэх нь сарын эхээр тодорхой болно.

Голомт банк: Хүсэлт авч байгаа ч салбаруудын ачааллаас хамаарч зээл олголт удааширч байна гэсэн юм.
Банкууд ийм мэдээлэл өгсөн бол зээлийн хүсэлт өгсөн иргэд ингэж ярьж байна. 
“Да хүрээ” зах дээр худалдаа эрхлэгч Д.Оргил “Энэ оны гуравдугаар сард 156 сая төгрөгийн үнэтэй гурван өрөө байр авахаар Голомт банкинд хүсэлт өгсөн. Зээлийн шийдвэр нааштай гарсан боловч нэлээн чирэгдэл болж байж наадмын өмнө байрандаа орлоо гэв. Харин Эрдэнэт хотын иргэн Б.Намуунтай цахимаар холбогдоход “Капитрон банкинд дөрөвдүгээр сард 149 сая төгрөгийн үнэтэй 60.4 м.кв хоёр өрөө байр авахаар хүсэлт гаргасан боловч хүсэлтийг цааш нь явуулаагүй байсан. Энэ талаар асуухад Монголбанкнаас санхүүжилт хангалтгүй байгаа тул орлогын эх үүсвэр бага бол 100 саяас дээш төгрөгийн зээл олгохгүй гэсэн. Бүх юмны үнэ өсөж байгаа энэ үед залуучуудад хүнд байна. Жишээлбэл, Эрдэнэтэд байрны м.кв-ын үнэ доод тал нь 2.8 сая, хуучин хоёр өрөө байрны үнэ 100 саяас буухгүй байна. Энэ тал дээр зөв зохицуулалт хийгээсэй” гэлээ. 

Эх сурвалж: "Зууны мэдээ" сонин

0
0
0
0
0
0
0

Сэтгэгдэл0

АНХААР!

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.

Санал асуулга

Та УИХ-ын гишүүдийн тоог нэмэхийг дэмжиж байна уу?

Нийт санал:41

Видео

Л.Оюун-Эрдэнэ: Улаанбаатар хотын түгжрэл, гэр хорооллыг хариуцах сайд томилно

Л.Оюун-Эрдэнэ: Улаанбаатар хотын түгжрэл, гэр хорооллыг хариуцах сайд томилно

Л.Энх-Амгалан: 12 сургуулийг гурван ээлжтэй болгож болзошгүй

Л.Энх-Амгалан: 12 сургуулийг гурван ээлжтэй болгож болзошгүй

Тэрбум төгрөгийн үнэ бүхий үнэт эдлэл хулгайлсан этгээдүүдийг саатууллаа

Тэрбум төгрөгийн үнэ бүхий үнэт эдлэл хулгайлсан этгээдүүдийг саатууллаа

ЦЕГ: Бүлэглэн зодсон болон зодуулсан хүүхдүүдийг хайж, шалгалтын ажил хийж байгаа

ЦЕГ: Бүлэглэн зодсон болон зодуулсан хүүхдүүдийг хайж, шалгалтын ажил хийж байгаа

ЗГ-ын хуралдаанаас гарсан шийдвэрийг танилцуулж байна

ЗГ-ын хуралдаанаас гарсан шийдвэрийг танилцуулж байна

Мөрийтэй тоглоом зохион байгуулсан Ш, Б нарын 13 хүнийг шалгаж байна

Мөрийтэй тоглоом зохион байгуулсан Ш, Б нарын 13 хүнийг шалгаж байна

БИЧЛЭГ: Шанхай хотын иргэнийг нас бараагүй байхад нь шарил хадгалах газар руу явуулсан байжээ

БИЧЛЭГ: Шанхай хотын иргэнийг нас бараагүй байхад нь шарил хадгалах газар руу явуулсан байжээ

Ч.Хүрэлбаатар: Би Б.Лхагвасүрэн, Л.Халтар та хоёрын оронд байсан бол ажлаа өгөөд зайлах байсан

Ч.Хүрэлбаатар: Би Б.Лхагвасүрэн, Л.Халтар та хоёрын оронд байсан бол ажлаа өгөөд зайлах байсан

Х.Баттулга: Хөх Монгол ялна

Х.Баттулга: Хөх Монгол ялна

Дүрвэгч охины төрсөн өдрийг хуаранд тэмдэглэж буй сэтгэл хөдөлгөм мөч

Дүрвэгч охины төрсөн өдрийг хуаранд тэмдэглэж буй сэтгэл хөдөлгөм мөч