Хөгжлийн Банкны гүйцэтгэх захирал Н.Мандуул: Арилжааны банкуудаар дамжуулан нийт 17 төсөл хөтөлбөрт 1.6 их наяд төгрөгийн зарцуулалт хийгдсэн. Өнөөдрийн байдлаар хүндрэлд ороод байгаа Чингис хаан банкнаас бусад банкны дамжуулан зээлдүүлсэн бүх зээл эргэн төлөгдсөн.
Гэхдээ дамжуулан зээлүүд нь УИХ, Засгийн газраас баталсан зориулалтын дагуу зарцуулагдаж, үр дүнд хүрсэн үү гэдэгт хийсэн шалгалт одоогоор байхгүй.
2018 оны арваннэгдүгээр сард Хөгжлийн Банкнаас арилжааны банкуудад хяналт шалгалт хийсэн юм билээ. Эндээс үзэхэд хэд хэдэн зөрчил гарсан. Тухайлбал, зээлээ зориулалтын дагуу зарцуулаагүй, компани нь зээлээ төлсөн хэр нь арилжааны банканд тухайн мөнгө бага хүүтэй эргэлддэг асуудал тогтоогдсон.
Бидэнд байгаа мэдээллээр дээрх 17 төслөөс зөвхөн "Ноолуур хөтөлбөр"-т ХХААХҮЯ-наас нэг удаа шалгалт хийсэн байдаг. Ингэхдээ тодорхой зөрчлийг илрүүлсэн ч үүнийхээ араас ямар ажил хийсэн тодорхойгүй.
Өөрөөр хэлбэл, санхүүгийн хувьд Хөгжлийн Банканд буцаан төлөгдсөн. Гэхдээ улсад хэрэгтэй юу хийсэн эсэх нь харагдахгүй байгаа гэсэн үг.
Нөгөөтээгүүр бага хүүтэй эх үүсвэрээр арилжааны банкууд ашиг хийсэн үү гэх мэтчилэн асуудлуудын дүр зураг уг сонсголоор тодорхой болох байх гэж бодож байна.
Түүнчлэн дамжуулан зээлийн төсөл хөтөлбөрийн схемийг анхнаасаа учир дутагдалтай хийчихсэн юм болов уу гэж хувьдаа дүгнэж байгаа.
Ийм төслийг энэ салбарт хийнэ гэдгээ зарладаг юм уу эсвэл мэдээлэлд ойрхон хүмүүс нь түрүүлээд мэдчихдэг юм уу. Энэхүү жишээ олон зээлдэгч дээр харагдаж байна. Түрүүлээд энэ тэндээс зээл аваад түүнийгээ гүүрэн санхүүжилт гэж нэрлэдэг. Үүний дараа Засгийн газраас хөтөлбөр баталж, гэрээгээ байгуулдаг.
Ингэснээр улирлын шинж чанартай мах, ноолуур зэргийн бизнес нь хугацаа алддаг. Хоёрдугаарт, Хөгжлийн Банкны зүгээс зээл нь зориулалтын дагуу зарцуулагдсан уу гэдгийг шалгах боломжгүй болдог.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.