04 сарын 23, Мягмар

Б.Билгүүн: Гурил үйлдвэрлэгчид үгсэн хуйвалдаж гурилын үнээ өсгөсөн зөрчил илэрлээ

Үнэ ханш
1 сарын өмнө
Б.Билгүүн: Гурил үйлдвэрлэгчид үгсэн хуйвалдаж гурилын үнээ өсгөсөн зөрчил илэрлээ

ШӨХТГ-аас гурилын үнийн талаар мэдээлэл хийлээ. 2022 оны нэгдүгээр сараас гурилын үнэ 4-12 удаагийн давтамжтай өсжээ. Тус онд "Алтан тариа" савласан, дээд 2.416 төгрөг байсан бол 2024 оны нэгдүгээр сард 3.000 төгрөг болсон байна.

Энэ асуудлаар Засгийн газрын хэрэг эрхлэх газрын дарга Д.Амарбаясгалан Х платформдоо гурилын үйлдвэрүүд бүх үе шат бүрдээ хөнгөлөлт, дэмжлэг, хөнгөлөлттэй зээл авч эцсийн бүтээгдэхүүн болсон дээд гурил 1кг 2300, хэдэн мянган км тээврийн зардал шингээсэн импортын дээд гурил 1500₮-1800₮ (1кг) болж байгааг тайлбарлана уу хэмээн нийтэлжээ.

Бүх үе шат бүртээ хөнгөлөлт, дэмжлэг, хөнгөлөлттэй зээл авч эцсийн бүтээгдэхүүн болсон танай дээд гурил 1кг 2300 орчим. Гэтэл адилхан бүх үе шатаа дамжсан, хэдэн мянган км тээвэрийн зардал шингээсэн импортын дээд гурил 1500₮-1800₮ (1кг) болж байгааг тайлбарлана уу?

ШӨХТГ-ын дарга Б.Билгүүн “Сүүлийн үед манай байгууллагад гурилын үнэ өссөн гомдлууд ирсээр байна. Үүнтэй холбоотой 2022 онд гурилын үйлдвэрүүдэд хяналт шалгалт явуулсан бөгөөд томоохон найман гурилын үйлдвэрт үнийн судалгаа хийсэн. Уг судалгаагаар нэг жилд 4-12 удаа гурилын үнийг нэмсэн тохиолдол байна. 2022 оны нэгдүгээр сараас арван нэгдүгээр сар хүртэл:

  • Нэгдүгээр гурил үнэ-53.1 хувь
  • Дээд гурилын үнэ - 62.8 хувь
  • Хоёрдугаар гурил үнэ - 40.9 хувиар өсжээ.  

Гурилын орцны 80-90 хувийг улаан буудай эзэлдэг. Гэтэл улаан буудайн үнэ хэвэндээ байхад гурилын үнэ өссөн нь үндэслэлгүй гэж үзэн хэрэг үүсгэж Шүүхэд хандсан.  

Гурил үйлдвэрлэгчид нийлэн “Монголын гурил үйлдвэрлэгчдийн нэгдсэн холбоо” гэх ТББ үүсгэн байгуулжээ. Энэ холбоонд гурил үйлдвэрлэгчид гишүүнээр элсэж, хоорондоо үгсэн хуйвалдан гурилын үнийг зэрэг нэмсэн. Тус холбооны гишүүдэд:  

  • "Улаанбаатар гурил" ХХК
  • “Од групп” ХХК  
  • Милл Хаус ХХК
  • Хангай Миллс ХХК
  • Өег гурил ХХК
  • Дорнод гурил ХХК
  • Хөвсгөл Алтан дуудлага ХХК зэрэг байгууллагууд багтдаг.  

2023 оны нэгдүгээр сараас өнөөдрийг хүртэл гурилын үнэ өссөөр байна. "Алтан тариа" ХХК энэ холбоонд байдаггүй ч гурилын үнээ адилхан өсгөсөн байв.  

Өнгөрсөн оны нэгдүгээр сараас хойш дээдийн дээд гурилын үнэ таван удаа нэмэгдэж, нийт өсөлтөөр тооцвол 19 хувь буюу 1 кг тутамд 630 төгрөг, дээд гурилын үнэ 9 удаа нэмэгдэж 405 төгрөг, нэгдүгээр гурил үнийг 9 удаа нэмж 267 төгрөг, хоёрдугаар гурил 8 удаагийн өсөлтөөр 11 хувь буюу 154 төгрөгөөр нэмэгджээ. ТББ-аараа дамжуулан гурил үйлдвэрлэгчид үнээ тохирч, хуйвалддаг нь ажиглагдав. Энэ асуудалд ШӨХТГ арга хэмжээ авч ажиллахаа мэдэгдэж байна.  

Гурил үйлдвэрлэгчдэдээ уриалахад шударга өрсөлдөөний холбогдох хууль тогтоомжийг биелүүлж, хэрэглэгчийн эрх ашгаа хүндэтгэн дээдлэхийг хүсэж байна.  

Өвөлжилт хүндэрч, цаг үеийн нөхцөл байдал хүнд үед ард түмний нуруунд үнийн дарамт үүсгэж байгаа нь буруу.

Монгол Улсад гурилын импорт хязгаарлагдмал байдаг ч үүнийг дахин ярих асуудал болжээ. Хэрвээ гурил үйлдвэрлэгч нар үгсэн хуйвалдаж үнээ өсгөөд байгаа бол өрсөлдөөнийг бий болгох нь чухал юм. Тиймээс гаднын ижил төрлийн бараа, бүтээгдэхүүнийг зах зээлд нэвтрүүлэх боломжийг бүрдүүлэх  хэрэгтэй гэх зөвлөмжийг холбогдох байгууллагад хүргүүлсэн.  

Зөрчлийн хэргийг 2022 онд үүсгэсэн. ШӨХТГ-аас Улаанбаатар гурил ХХК-д 5.9 тэрбумын торгууль, “Од групп” ХХК-д 1.4 тэрбум төгрөгийн торгууль тавин Шүүхэд хандсан. Бусад үйлдвэрлэгчид зах зээлд нөлөөлөхүйц оролцоо ажиглагдаагүй гэж үзсэн учраас торгууль тавигдаагүй. Гэхдээ эдгээр байгууллагуудад нарийвчилсан хяналт шалгалтыг явуулах болно.  Одоогоор энэ хэргийн Шүүхийн эцсийн шийдвэр гараагүй байна” гэлээ. 

0
0
0
0
0
0
0

Сэтгэгдэл0

АНХААР!

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.

Санал асуулга

Та "Гадаадын хөрөнгө оруулалтын тухай хуулийг" дэмжиж байна уу?

Нийт санал:244

Видео

Үндэсний баялгийн сангийн тухай хуулийн төслийг нэн яаралтай горимоор хэлэлцэж байна

Үндэсний баялгийн сангийн тухай хуулийн төслийг нэн яаралтай горимоор хэлэлцэж байна

Г.Дамдинням: Ирэх намар будаа, ургацыг нь хэдэн төгрөгөөр авахаа ЗГ-аас тариаланчдад яаралтай зарлах хэрэгтэй

Г.Дамдинням: Ирэх намар будаа, ургацыг нь хэдэн төгрөгөөр авахаа ЗГ-аас тариаланчдад яаралтай зарлах хэрэгтэй

Г.Дамдинням: Иргэд биднийг шуудай гурил, хивэг үүрээд 5, 10 кг будаа, гурил тараагаад яв гэж сонгоогүй

Г.Дамдинням: Иргэд биднийг шуудай гурил, хивэг үүрээд 5, 10 кг будаа, гурил тараагаад яв гэж сонгоогүй

УИХ-ын дарга Г.Занданшатар Г.Дамдинням гишүүний талаар залруулга хийв

УИХ-ын дарга Г.Занданшатар Г.Дамдинням гишүүний талаар залруулга хийв

Хөрөнгө оруулалтын тухай хуулийн шинэчилсэн найруулгын төслийг хэлэлцэж байна

Хөрөнгө оруулалтын тухай хуулийн шинэчилсэн найруулгын төслийг хэлэлцэж байна

Я.Содбаатар: Ерөнхийлөгчийг хятадаар ярьсан гэх бичлэгийг зохион байгуулалттайгаар хийж, түгээсэн хүмүүсийг олж тогтоосон

Я.Содбаатар: Ерөнхийлөгчийг хятадаар ярьсан гэх бичлэгийг зохион байгуулалттайгаар хийж, түгээсэн хүмүүсийг олж тогтоосон

БИЧЛЭГ: Согтуугаар тээврийн хэрэгсэл жолоодож яваад хүн мөргөж, зугтсан этгээдийг илрүүлэв

БИЧЛЭГ: Согтуугаар тээврийн хэрэгсэл жолоодож яваад хүн мөргөж, зугтсан этгээдийг илрүүлэв

УИХ: Үндсэн хуулийн нэмэлт өөрчлөлтийн хоёр дахь хэлэлцүүлгийг хийж байна

УИХ: Үндсэн хуулийн нэмэлт өөрчлөлтийн хоёр дахь хэлэлцүүлгийг хийж байна

Зайсан тойруугийн зам нэг чигийн хөдөлгөөнтэй болно

Зайсан тойруугийн зам нэг чигийн хөдөлгөөнтэй болно

"Утсаараа яриулаач" хэмээн тусламж хүсэж, тусгай программ суулган 350 сая төгрөг залилжээ

"Утсаараа яриулаач" хэмээн тусламж хүсэж, тусгай программ суулган 350 сая төгрөг залилжээ