Монгол Улсаас БНХАУ-д экспортолсон нүүрсний хэмжээ хоёрдугаар сард өмнөх сарын дүнгээс огцом буурсан талаар “SXCoal” мэдээллээ. Сар шинийн баярын үеэр хилийн боомтуудыг хаасан нь үүнд голлон нөлөөлсөн гэж тайлбарласан байна.
Түүнчлэн худалдан авагчдын дунд эрэлт буурсан нь нөлөөлсөн гэдгийг онцолжээ. Хоёрдугаар сард Монгол Улс БНХАУ-д 1.89 сая тонн нүүрс нийлүүлсэн байна. Энэ нь өмнөх сарын дүнгээс 18.4 хувиар буурсан үзүүлэлт юм. БНХАУ хоёрдугаар сарын 11-14-ний өдрүүдэд Ганцмод болон Сэхэ боомтуудыг хааж, нүүрсний нийлүүлэлт тасалдсан байна. Мөн коксжих нүүрсний гол худалдан авагчид болох гангийн үйлдвэрүүдийн нөөц өссөнтэй холбоотойгоор нүүрсний эрэлт буурсан байна. “SXCoal”-ийн санал асуулгад хамрагдсан үйлдвэрүүдийн коксжих нүүрсний нөөц гуравдугаар сарын эхээр өмнөх оны мөн үетэй харьцуулахад 20 хувиар өссөн байгаа юм.
Үүний зэрэгцээ Жин Чюань аж үйлдвэрийн парк болон ӨМӨЗО-ы Баяннуур хот дахь угаах үйлдвэрийн үйл ажиллагааг түр зогсоосон нь коксжих нүүрсний эрэлт буурахад нөлөөлжээ. Үнийн хувьд гуравдугаар сарын есний байдлаар Ганцмод боомт дахь Монголын угаасан коксжих нүүрсний үнэ тонн нь 1350 юань орчимд тогтворжоод байна. Харин түүхий коксжих нүүрсний үнэ 1090 юань болоод байна.
Б.Батцэцэг
Эх сурвалж: Bloomberg TV Mongolia
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.